ಕನ್ನಡ ಮೋಟಿವೇಷನ್ ಫೋರಂ (KMF) onepercentsclub's

[poll]

💫
ಈ ಪುಸ್ತಕ ಖಂಡಿತ ನಿಮಗೊಂದು ಹೊಸ ಹುರುಪು ನೀಡುವುದರಲ್ಲಿ ಯಾವುದೇ ಸಂಶಯವಿಲ್ಲ.

ಈ ಶುಭದಿನ ನಿಮ್ಮ ಅಮೂಲ್ಯ ಧನ, ಒಳ್ಳೆಯ ಕೆಲಸಕ್ಕೆ ಸ್ಪೂರ್ತಿ ತುಂಬಲು ಬಳಕೆಯಾಗಲಿ ಎಂಬುದು ನಮ್ಮ ಅಭಿಲಾಷೆ.

ಹೊರಡಿ ಕೆಲಸಮಾಡಿ!
ಒಳ್ಳೆಯದಾಗಲಿ.
ನಮಸ್ಕಾರ.
ಜೈ ಕನ್ನಡಾಂಬೆ.
🙏

ಓದಲಾಗದವರು, ಇದರ Audio ಕೇಳಿ : https://youtu.be/YCog-AYeYRE?si=xZ4UfYp_OZ--6fU_

🎯Power of Attitude! 🌳

ಎರಡು ಮುದ್ದಾದ ಮಕ್ಕಳು ಆಟ ಆಡ್ತಿವೆ.
ನೀವು ಪಕ್ಕದಲ್ಲೇ ನಡಕೊಂಡ್ ಹೋಗ್ತಿದೀರಿ.

ಪುಟಾಣಿ ಮಕ್ಕಳ ಆಟವನ್ನು ಕ್ಷಣ ಹೊತ್ತು ನೋಡುತ್ತೀರಿ. ಆಗ, ಅವರ ಚೆಂಡೊಂದು ನಿಮ್ಮ ಕಡೆ ಬಂದು ಬೀಳುತ್ತದೆ.

ಅವರಲ್ಲಿ ಓಡುತ್ತ ಬಂದ ಮಗುವೊಂದನ್ನ,
"ನಿನ್ ಹೆಸರೇನು ಮರಿ" ಅಂತಾ, ಕೇಳ್ತೀರಿ,

"ನಿನಗ್ಯಾಕ್ ಬೇಕೊ" ಎಂದ್ಹೇಳಿ ಚಂಡನ್ನ ತೆಗೆದುಕೊಂಡು ಓಡುತ್ತದೆ.

ಮರುಕ್ಷಣ ಚೆಂಡು ತೆಗೆದುಕೊಂಡು ಹೋಗಲು ಬಂದ ಇನ್ನೊಂದು ಮಗು ನೀವು ಕೇಳಿದ ಅದೇ ಪ್ರಶ್ನೆಗೆ,

"ನನ್ ಹೆಸರು....." ಅಂತ ಮುದ್ದಾಗಿ,
ನಗು ನಗುತ್ತಾ ಹೇಳಿ ಹೋಗುತ್ತದೆ!

ಇವರಿಬ್ಬರು ಮುಂದೆ ದೊಡ್ಡವರಾದರು ಅಂದುಕೊಳ್ಳಿ,
ನಿಮ್ಮದೇ ಕಂಪೆನಿಯ ಒಂದು Interview ಗೆ ಬಂದ್ರು ಅಂದುಕೊಳ್ಳಿ.

ಈಗಲೂ ಅವರ ನಡಾವಳಿಗಳು ಹಾಗೆಯೇ ಇವೆ ಅಂದುಕೊಳ್ಳಿ.

(ನೀವು ಸದ್ಯಕ್ಕೆ ಏನೇ ಇದ್ರು, ಪರವಾಗಿಲ್ಲ, ಜಸ್ಟ್ ಇಮ್ಯಾಜಿನ್ ಮಾಡಿಕೊಳ್ಳಿ)

ಆಗ Interview Panel ನಲ್ಲಿ ನೀವು ಕುಳಿತಿದೀರಿ ಅಂದುಕೊಳ್ಳಿ,

ಉದ್ಯೋಗದ ಆಯ್ಕೆಯಲ್ಲಿ ಮೊದಲಿಗೆ ಯಾರನ್ನು ಆಯ್ದುಕೊಳ್ಳುತ್ತೀರಿ!

"ನಿನಗ್ಯಾಕ್ ಬೇಕೊ" ಎಂದವನನ್ನೋ?

ಅಥವಾ

ಮುದ್ದಾಗಿ, ಹಸನ್ಮುಖಿಯಾಗಿ, ಹೆಸರು ಹೇಳಿ ಹೋಗಿದ್ದವನನ್ನೋ?

Security ಗಾರ್ಡ್ ಅಥವಾ body guard ಹುದ್ದೆಗಾದರೆ,

"ನಿನಗ್ಯಾಕ್ ಬೇಕೋ ಎಂದವನೇ ಸೂಕ್ತ"
ಆದರೇ,

ಘನವಾದ ಹುದ್ದೆಗೆ, CEO ನಂತಹ ನಿರ್ವಹಣಾತ್ಮಕ ಹುದ್ದೆಗಳಿಗೆ ಎರಡನೆಯವನೇ ಸೂಕ್ತ!

ಇದು ಪವರ್ ಆಫ್ Attitude! 🔥

ಇತ್ತೀಚೆಗೆ ಒಂದು ಪಾಡಕಾಸ್ಟ್ ನಲ್ಲಿ,

Zerodha ಕಂಪನಿಯ ಮುಖ್ಯಸ್ಥರಾದ, ನಿಖಿಲ್ ಕಾಮತ್ ರವರು Mahindra ಕಂಪನಿಯ ಮುಖ್ಯಸ್ಥರನ್ನು ಉದ್ದೇಶಿಸಿ,

"ಸರ್ ನಿಮ್ಮ ವೃತ್ತಿ ಜೀವನದಲ್ಲಿ, ನೀವು ವಿಪರೀತವಾಗಿ ಕೊಪಗೊಂಡು ರೇಗಾಡಿದ್ದು
ಕೇವಲ 3 ಸಾರಿಯಂತೆ,

ಹೌದಾ?"

ಎಂದು ಕೇಳಿದ್ದಕ್ಕೆ,

"No, 18 ಬಾರಿ ಕೊಪಗೊಂಡಿದ್ದಿದೆ" ಎಂದು ಶಾಂತವಾಗಿಯೇ ಉತ್ತರಿಸಿದರು!

18 ಬಹಳ ಆಯ್ತು ಅನ್ಕೋಬೇಡಿ.

1981 ರಿಂದ ಉದ್ಯೋಗದಲ್ಲಿರುವ ಇವರು,
ಇಂದಿನ 2025 ರವರೆಗೆ ಅಂದ್ರೆ,

44 ವರ್ಷಗಳಲ್ಲಿ ತಾಳ್ಮೆ ಕಳೆದುಕೊಂಡದ್ದು, ಕೇವಲ 18 ಬಾರಿ ಮಾತ್ರ!

ಇದು ದೊಡ್ಡ ವ್ಯಕ್ತಿಗಳಾದವರ "Secret".

ಇದರರ್ಥ,
ಯಾರ್ ಏನೇ ಅಂದರೂ "ತೆಪ್ಪಗಿರಬೇಕು" ಅಂತಲ್ಲ!

ಕಬ್ಬಿಣ ಕಾದಾಗ ಮಾತ್ರ ಕುಟ್ಟಬೇಕು!

ಇತ್ತೀಚಿಗಿನ,
ಅಮಿತಾಬ್ ಬಚ್ಚನ್ರವರ KBC ಯಲ್ಲಿ ಬಂದಿದ್ದ, ಮಗು ಮತ್ತು ಆ ಮಗುವಿನ ಅತಿರೇಕದ ವರ್ತನೆ ಕುರಿತು ಅನೇಕ ವಿಮರ್ಶೆಗಳು ನಡೆದವು. ಕಾರಣ ಆ ಮಗುವಿನ ವೈಖರಿ!

That is Attitude.

Attitude ಕೆಲವೊಮ್ಮೆ ದೃಷ್ಟಿಕೋನವೂ ಹೌದು, ಕೆಲವೊಮ್ಮೆ ವೈಖರಿ-ವರ್ತನೆಯೂ ಹೌದು.

ಇಲ್ಲಿನ ಚರ್ಚೆ ವೈಖರಿಯದ್ದು!

ನೀವು, ತುಂಬಾ ತುಂಬಾ ದೊಡ್ಡ ವ್ಯಕ್ತಿಗಳಾಗುವವರಿದ್ದರೆ,
You have to control Your Attitude!

ಕೊಪದಲ್ಲಿ ಆಡುವ ಮಾತು,
ಮೈಮರೆತು ಮಾಡುವ ಕಾರ್ಯ ದೊಡ್ಡ ಅನಾಹುತಕ್ಕೆ ದಾರಿ ಮಾಡಿಕೊಡುತ್ತವೆ!

ಅದರಲ್ಲೂ ಮುಖ್ಯವಾಗಿ,
ತಂದೆ-ತಾಯಿ, ಗುರು-ಹಿರಿಯರಿಗೆ ಗೌರವ ಕೊಡುವುದಂತೂ ತುಂಬಾ ಮುಖ್ಯ.

ಇದಕ್ಕೊಂದು ಉದಾಹರಣೆ,
ಬಸವಣ್ಣನವರು ಮತ್ತು ಡಾ|| ರಾಜಕುಮಾರರು.

ಫಲವಿತ್ತ ರೆಂಬೆ ಬಾಗುತ್ತದೆ
ಗೊನೆ ಹೊತ್ತ ಬಾಳೆ ಬಾಗುತ್ತದೆ,
ತೆನೆ ಹೊತ್ತ ದಂಟು ಬಾಗುತ್ತದೆ,
ಏನೇನೂ ಇಲ್ಲದುದು ಬೀಗುತ್ತದೆ ನೋಡಾ
ಸ್ವತಂತ್ರ ಧೀರ ಸಿದ್ಧೇಶ್ವರಾ!

ಎಂದು ಹೇಳಿದ ಸಿದ್ಧಯ್ಯ ಪುರಾಣಿಕರ ವಚನದಂತೆ,

ಬಸವಣ್ಣನವರಾಗಲಿ, ರಾಜಕುಮಾರರಾಗಲಿ, ಎಂದೂ ಬೀಗಲಿಲ್ಲ,
ಗಾಂಧೀಜಿಯವರೂ ಅಷ್ಟೇ,
ತಾವು ಕೋಲು ಹಿಡಿದುಕೊಂಡೇ, ಬೀಗದೇ,
ಬ್ರಿಟಿಷರನ್ನು ಬಾಗಿಸಿದರು!

ಸದ್ಯದ ಉದಾಹರಣೆಗೆ ಕೊಡುವುದಾದರೆ,
ನಮ್ಮ ಕರ್ನಾಟಕದ ರಾಜಕಾರಣದಲ್ಲಿನ
ಯಡಿಯೂರಪ್ಪರವರನ್ನೇ, ತೆಗೆದುಕೊಳ್ಳಿ,
ಎಲ್ಲರಿಗೂ ಕೈ ಮುಗಿತ್ತ ಮುಗಿಯುತ್ತಲೇ ಮುಖ್ಯಮಂತ್ರಿಗಳಾಗಿ ಹೋದ್ರು!

2013 ರ ಸಿದ್ಧರಾಮಯ್ಯರವರಿಗೂ, 2025 ರ ಸಿದ್ಧರಾಮಯ್ಯರವರಿಗೂ ವ್ಯತ್ಯಾಸವಿದೆ, ಕಂಡುಹಿಡಿಯಿರಿ!

2010 - 12 ರ D K ಶಿವಕುಮಾರರಿಗೂ 2025 ರ D K ಶಿವಕುಮಾರರಿಗೂ ಅಜಗಜಾಂತರ ವ್ಯತ್ಯಾಸವಿದೆ!

ನಿಜವಾದ ಯೋಧ,
ಯುದ್ಧವನ್ನೇ ಮಾಡುವುದಿಲ್ಲವೆಂದು, ಚೀನಾದ ಗಾದೆಯೊಂದಿದೆ.

ಇದಕ್ಕೊಂದು ಉದಾಹರಣೆಯಾಗಿ
ಬುದ್ಧನೇ ಆಗಿಹೋಗಿಲ್ಲವಾ?
ಕೊಲ್ಲಲು ಬಂದ ಅಂಗುಲಿಮಾಲ, ಬುದ್ಧನ ಮುಂದೆ ಮಂಡಿಯೂರಿದ್ಯಾಕೆ?

ನೀವು, ನಿಮ್ಮ ಸ್ನೇಹಿತರ ಗುಂಪಿನಲ್ಲಿ "ಹವಾ" ಮೆಂಟೇನ್ ಮಾಡಲು, ನಿಮ್ಮ ಕುಟುಂಬದಲ್ಲಿ "ಗತ್ತು" ತೋರಿಸಲು, ತೊಡುವ ತಾತ್ಕಾಲಿಕ Attitudeನ ಮುಖಗವಸು ಬದುಕಿನಲ್ಲಿ ಬಹುದೊಡ್ಡ ಪೆಟ್ಟು ಕೊಡುತ್ತದೆ!

ಇದರರ್ಥ, "ಇಲಿಮರಿಯಂತೆ ಬೆಕ್ಕಿಗಂಜಿ ಓಡಿಹೋಗಿ" ಅಂತಲ್ಲ!

ನೀರಿನಂತೆ ತಣ್ಣಗೆ, ಮೆತ್ತಗೆ ಇರುವುದ ಕಲಿಯಿರಿ!

ಆದರೆ,
ಅಗತ್ಯವಿದ್ದಾಗ,
ಅದೇ ನೀರು ಬರ್ಫಿನ ಗಟ್ಟಿಯಾಗುವುದನ್ನ,
ಅದೇ ನೀರು ಕೊತ ಕೊತ ಕುದಿಯೋದನ್ನ
ಮರೆಯಬೇಡಿ!

ಸಮಸ್ಯೆ ಸವಾಲುಗಳಿಗೆ "ಹಾರಾಟ, ಚೀರಾಟ, ಕೈಬಲ, ತೋಳ್ಬಲದಿಂದಲ್ಲ" ಬದಲಿಗೆ ಬುದ್ಧಿ ಬಲದಿಂದ ಉತ್ತರಿಸಿ!

ಬೆರಳುಗಳಿಗೆ, ವ್ಯಾಘ್ರನಖ ತೊಟ್ಟಿದ್ದ ಶಿವಾಜಿ,
ಅಫಜಲ್ಖಾನ ಮುಂದೆ ಮೊದಲೇ Attitude ತೋರಿಸುತ್ತ ಹೋಗಿದ್ದರೆ, ಅಂವ, ಈ ಕುಳ್ಳ ಚಕ್ರವರ್ತಿಯನ್ನು ಒಂದೇ ಕೈಯಿಂದ ಅನಾಯಾಸವಾಗಿ ಎತ್ತಿ ಒಗೆದುಬಿಡುತ್ತಿದ್ದನೆನೋ!

ಆದರೆ, ಚತುರ ಶಿವಾಜಿ ಹಾಗೆ ಮಾಡಲಿಲ್ಲ!

So,

ನೀವು ದೊಡ್ಡ ದೊಡ್ಡ ಅಧಿಕಾರಿಗಳೋ,
ದೊಡ್ಡ ದೊಡ್ಡ ರಾಜಕಾರಣಿಗಳೋ
ಉದ್ಯಮಿಗಳೋ ಆಗಬೇಕು ಎಂದುಕೊಂಡಿದ್ದರೆ,

Change your Attitude first!

Be Polite, Humble!

In a Gentle way You can Shake the world! - Gandhi

All the best! 🔥
-
ಪ್ರವೀಣ ಮ ಮಗದುಮ್ಮ
Founder, Panchajanya IAS

ನಿಮ್ಮ ಅನಿಸಿಕೆಗಳನ್ನು ತಿಳಿಸಲು : [email protected]

ಒಂದೊಂದು ಬಾರಿ
ಎಲ್ಲವೂ ನಿಮ್ಮಿಂದ ಕೈಜಾರಿದಂತೆ,
ನಂಬಿದವರೇ ನಿಮ್ಮನ್ನು ಬಿಟ್ಟು ಹೋದಂತೆ,
ನಿಮಗಾತುಕೊಂಡಿದ್ದವರೇ ನಿಮ್ಮಿಂದ ಕಳಚಿಕೊಂಡಂತಾಗುತ್ತದೆ!

ಆದರೆ,
ನೆನಪಿಡಿ,
ಬೇಸಿಗೆ ಬಂದಾಗ,
ಒಂದೂ ಬಿಡದೆ,
ಮರದ ಎಲೆಗಳೆಲ್ಲಾ
ದರದರನೆ ಉರುಳಿಬೀಳುತ್ತವೆ.

ಆದರೂ, ಕುಗ್ಗದೆ,
ಅದ್ಯಾವುದಕ್ಕೂ ಜಪ್ಪಯ್ಯ ಎನದೆ,
ಮರ ತಾನೊಂದೇ,
ಅದೇನಾಗುತ್ತದಾಗಲಿ ಎಂದುಕೊಂಡು,
ಗಟ್ಟಿಯಾಗಿ ಬೇರುಗಳನ್ನು
ಹುಗಿದುಕೊಂಡಂತೆ ನಿಂತುಬಿಡುತ್ತದೆ,

ಮುಂದೆ
ಮಳೆಗಾಲ ಬರುತ್ತದೆ ನೋಡಿ,
ಆಗ, ನಿಜವಾದ ಸುಗ್ಗಿ ಆರಂಭ!

ಎಲೆಗಳು ಮತ್ತೆ ಚಿಗುರುತ್ತವೆ,
ಮೊಗ್ಗು ಅರಳುತ್ತವೆ,
ಹೂವಾಗಿ,
ಹಣ್ಣಾಗಿ...

ಬಯಸಿದವರಿಗೆ,
ಬೆಳಕಾಗಿ,
ಫಲಕೊಡುತ್ತದೆ.

ಇದೇ ಜೀವನ,

ಬೇಸಿಗೆಯಲ್ಲಿ ತಾಳಿಕೊಳ್ಳುವಷ್ಟು
ತಾಳ್ಮೆ ಇದ್ದರೆ ಸಾಕು,
ಮಳೆಗಾಲ, ಚಳಿಗಾಲಗಳು ನಮ್ಮದೇ!

Never Give up! 🔥
-
ಪ್ರವೀಣ ಮ ಮಗದುಮ್ಮ

🌻 Crossed 30!

9 ತಿಂಗಳುಗಳ ಕಾಲ ತಾಯ ಒಡಲಲ್ಲಿ ಬೆಚ್ಚಗಿದ್ದು, ಗರ್ಭದೊಳಗೆ ಕುಲುಕಾಡಿ, ಉಲುಕಾಡಿ, ನಿದ್ದೆ ಮಾಡಿ, ಎದ್ದು ಅಮ್ಮನುದರಕ್ಕೊದ್ದು, ಮತ್ತೆ ಮಲಗಿ. ಜೋಂಪಿಸಿ. ಆಕಳಿಸಿ, ಬಿಕ್ಕಳಿಸಿ. ಕುಪ್ಪಳಿಸಿ...

ಕೊನೆಗೆ, ಭೂಮಿತಾಯ ಮಡಿಲಿಗೆ ಬಿದ್ದದ್ದು 7ರ ಜುಲೈ 1996 ರ ಸಂಜೆ 7.43 ಕ್ಕೆ! ಅದು ಅಜ್ಜಿಯ ಊರು, ಅಜ್ಜನ ಮನೆ! ವೈದ್ಯರಿಲ್ಲದ Normal Delivery ನನ್ನದು!

"ಮುಂಗಾರು ಏನೋ ಆರಂಭ ಆಗಿತ್ತು, ಆದರೆ, ನೀ ಹುಟ್ಟಿದ ಮಾರನೇ ದಿನದಿಂದಲೇ ವಿಪರೀತ ಆರ್ಭಟದ ಮಳೆ ಶುರುವಾಯಿತು ಕಂದಾ" ಎಂದು ಅಮ್ಮ ಎಂದಾಗ, "ಹೌದಾ" ಎನ್ನುತ್ತಿರುತ್ತೇನೆ.

ಏನೂ ಮಾಡದೇ ಇರುವ ಒಬ್ಬ ದಂಡಪಿಂಡ ಪುರುಷನನ್ನು ಟೀಕಿಸದೆ, ಪ್ರಶ್ನಿಸದೆ ಪೊರೆವ ಹೃದಯ ಅದು ತಾಯಿಯದು ಮಾತ್ರ. ಆದರೆ, ನನ್ನ ಜೀವನದಲ್ಲಿ ಇದು ಉಲ್ಟಾ. ನನ್ನ ತಂದೆಗಿಂತ ನನ್ನನ್ನು ಹೆಚ್ಚು ಕಟೆದವರು ತಾಯಿ, ಬರಿ ಹೊಡೆಯುವುದು ಮಾತ್ರವಲ್ಲ, ಕೈ ಕಾಲು ಕಟ್ಟಿ ಗೂಟಕ್ಕೆ ನೇತು ಹಾಕಿದ್ದರು!
ಎಲ್ಲರ ಮನೆಯಲ್ಲಿ ಅಮ್ಮನನ್ನು Home Minister ಎಂದರೆ, ನನ್ನ ಪಾಲಿಗವರು ಒಬ್ಬ Army ಆಫಿಸರಿನಂತೆ ಶಿಸ್ತು ಕಲಿಸಿದವರು.

ಇತ್ತ ಅಪ್ಪ, He is a Detective! ಹಿಂದೂ ಇಂದೂ ಮುಂದೂ, ತನ್ನ ಮಗ ತಪ್ಪು ದಾರಿ ಹಿಡಿಯಕೂಡದು, ಬೆಳೆದು ಸಮಾಜಕ್ಕೆ ಉಪಕಾರಿಯಾಗಬೇಕು ಎಂದು ಹಗಲು ರಾತ್ರಿ ತುಡಿಯುವ ಜೀವ ಅದು ತಂದೆ.

ತಂದೆ ಹೊಗಳಿದರೆ ಅಲ್ಲಿಗೆ ಮಕ್ಕಳ ಅಭಿವೃದ್ಧಿ ನಿಂತುಬಿಡುತ್ತದಂತೆ. ಏಕೆಂದರೆ, ಅಗೋಚರ ಅಹಂ ಮಕ್ಕಳಲ್ಲಿ ಬೆಳೆಯುತ್ತದಂತೆ. ಹಾಗಾಗಿ, ಮನಸ್ಪೂರ್ತಿಯಾಗಿ ಅಪ್ಪ ನನ್ನನ್ನು ಹೊಗಳಿಲ್ಲ. ಹೊಗಳ ಕೂಡದು, ಏಕೆಂದರೆ, ಅವರೊಬ್ಬರು ನನ್ನನ್ನು ತಿದ್ದುತ್ತಿದ್ದರೆ, ಇನ್ಯಾರು ನನ್ನ ಬೈಯಲ್ಲ!

ಅದೆಷ್ಟೇ ದೊಡ್ಡ ಮನಸ್ಸಿದೆ ಎಂದರೂ, ತನಗಿಂತ ಇನ್ನೊಬ್ಬ ಪುರುಷ ಶ್ರೇಷ್ಠ ಎಣಿಸಿಕೊಳ್ಳುವುದನ್ನ ಸಹಿಸಿಕೊಳ್ಳುವ ಉದಾರದ ಮನಸ್ಸು ಗಂಡಸರದ್ದಲ್ಲ. ಆದರೆ, ಅಪ್ಪ ಎನ್ನುವ ಪದವಿ ಇದೆ ನೋಡಿ ಅದು, ಇದಕ್ಕೆ ಅಪವಾದ. ಮಕ್ಕಳು ನಾ ನೋಡಿದ್ದ ನೋಡಲಿ ಎಂದು ಅಮ್ಮ ಕಂಕುಳಲ್ಲಿ ಹೊರುವ ಮಗ, ಅಪ್ಪನ ಕೈಯಲ್ಲಿ ಸಿಕ್ಕರೆ,
"ನನಗಿಂತ ಹೆಚ್ಚಿನದನ್ನೇ ನೋಡೋ" ಎನ್ನುತ್ತ ಭುಜಕ್ಕೆ ಹೊತ್ತುಬಿಡುತ್ತಾನೆ ಅಪ್ಪ!

ಅಮ್ಮ ಭೂಮಿಯಾದರೆ, ಅಪ್ಪ ಸೂರ್ಯ!
ಅಮ್ಮ ನೆಮ್ಮದಿಯ ತಾಣ, ಅಪ್ಪ ಚಲನ ಶಕ್ತಿಯ ಗಾಣ. ಅಮ್ಮನಿಲ್ಲದೆ ನಿಲ್ಲಲಾರೆವು. ಅಪ್ಪನಿಲ್ಲದೆ ಬೆಳೆಯಲಾರೆವು!
ಇಂತಿಪ್ಪ ಪಾಲಕರ ಕಂದ ನಾ!

ಇದರ ನಡುವೆ, ನನ್ನ ನಂತರ 2.5 ವರ್ಷಕ್ಕೆ ಹುಟ್ಟಿದ ತಮ್ಮ ನವೀನ ಈಗ ವೈದ್ಯ, ಆಯುರ್ವೇದ ಪ್ರಿಯ! ನಾವು ಬಾಲ್ಯದಿಂದ ಜಗಳದಲ್ಲಿ ದುರ್ಯೋಧನ ಮತ್ತು ಭೀಮರು, ಒಬ್ಬರಿಗೊಬ್ಬರು ಸವಾಲಿಗೆ ಸವಾಲು! ಆಪ್ತತೆಯಲ್ಲಿ ಕೃಷ್ಣಾರ್ಜುನರು! ಸಂಬಂಧದಲ್ಲಿ ರಾಮ-ಲಕ್ಷ್ಮಣರೇ ನಮ್ಮ ಸ್ಫೂರ್ತಿ.

ಬೆಳೆದಿದ್ದು, ನನ್ನ ತಂದೆಯ ಊರಾದ ಘೋಡಗೇರಿಯಲ್ಲಿ. ಕಲಿತದ್ದು ಸರ್ಕಾರಿ ಶಾಲೆಗಳಲ್ಲಿ. ಅಂಗನವಾಡಿಯಲ್ಲಿ ಕಥೆಗಳು. ಪ್ರಾಥಮಿಕ ಶಾಲೆಯಲ್ಲಿ ಆಟಗಳು. ಹೈಸ್ಕೂಲಿನಲ್ಲಿ ಪಾಠಗಳು. ಕಾಲೇಜಿನಲ್ಲಿ ಲ್ಯಾಬುಗಳು ನಮ್ಮ ಸಂಗಾತಿ.

ಹರೆಯ ಚಿಮ್ಮುತ್ತಿದ್ದರು, IAS ಆಗಬೇಕು ಎನ್ನುವ ಆಕಾಂಕ್ಷಿಯ ಮುಂದೆ, ಉಳಿದೆಲ್ಲವೂ ಸಪ್ಪೆ ಎಣಿಸುತ್ತಿತ್ತು. ಪ್ರೀತಿ - ಪ್ರೇಮಗಳ ಮಾಡುತ್ತ ಮರ ಸುತ್ತಲು ಪುರುಸೊತ್ತು ಸಿಗಲಿಲ್ಲ.

"ಬೆಂಗಳೂರಿನ UVCE ನಲ್ಲಿ ಇಂಜಿನಿಯರಿಂಗ್ ಮಾಡಬೇಕು. 23 ನೇ ವರ್ಷಕ್ಕೆ IAS ಆಗಬೇಕು" ಈ ವರೆಗೆ ನಾನು ಅಂದುಕೊಂಡ ಕನಸುಗಳಲ್ಲಿ ಕನಸಾಗೇ ಉಳಿದ ಎರಡು ಆಸೆಗಳಿವು.

ಅವು, ಬಿಟ್ಟರೆ, ಅಂದುಕೊಂಡದ್ದಕ್ಕಿಂತ ಹೆಚ್ಚನ್ನೇ ದೇವರು ಧಾರೆ ಎರೆದಿದ್ದಾನೆ. ಮದುವೆ ಬಗ್ಗೆ ಇನ್ನೇನೂ ಅಂದುಕೊಳ್ಳೋಣ ಅಂದುಕೊಂಡಿದ್ದೆ. ಆದರೆ, ದೂಕುವವರ ನಡುವೆ, ಧುಮುಕದೇ ಇರಲು ನಿರ್ಧರಿಸಿ ಹಿಂದೆ ಸರಿದೆ. ಮುಂದೆ ನೋಡೋಣ.

ಇನ್ನು 2018 ರಿಂದ 2026 ನನಗೆ ನಿಜವಾದ ಜಗತ್ತಿನ ಪರಿಚಯವಾದ ಕಾಲ. ಅದರಲ್ಲೂ, 28 ವರ್ಷಗಳಲ್ಲಿ ಕಲಿಸಲಾಗದ್ದನ್ನ, ಬದುಕು, ಕಳೆದ ಎರಡೇ ವರ್ಷಗಳಲ್ಲಿ ಕಲಿಸಿಬಿಟ್ಟಿದೆ.

ಕ್ರಿಕೆಟ್, ಸಿನಿಮಾ, ಸಂಗೀತ ಮತ್ತು ಓದುವುದು ನನ್ನ ಚಟಗಳಾಗಿದ್ದವು. ಅದರಲ್ಲಿ ಮೊದಲಿನ ಮೂರಕ್ಕೆ ಈಗ ಸಮಯ ಸಿಗದ ಕಾರಣಕ್ಕೆ, ಕೊನೆಯದ್ದಕ್ಕೆ ಅಂಟಿಕೊಂಡಿದ್ದೇನೆ. ಇದರಿಂದ ಬರವಣಿಗೆ ಮೊಳಕೆಯೊಡೆದಿದೆ. ಇತ್ತೀಚೆಗೆ ರಾಜಕೀಯವನ್ನೂ ಸೇರಿದ್ದೇನೆ. ನಿಮಗೂ ಆಸಕ್ತಿ ಇದ್ದರೆ ಸೇರಿ ಎನ್ನುವ ಸಲಹೆ ಮತ್ತು ಹಾರೈಕೆ ನನ್ನದು.

ಹೈಸ್ಕೂಲ್ ಸೇರಿದಾಗಿನಿಂದ ನನ್ನ ಒಳಗೆ ಸೇರಿಕೊಂಡು ಇಲ್ಲಿಯವರೆಗೆ ಕಾಡಿದ್ದ ಶತ್ರುವೊಬ್ಬ ಬಹಳ ಸತಾಯಿಸುತ್ತಿದ್ದ. ದೈವದ ಕೃಪೆ ಮತ್ತು ವಯೋ ಸಹಜ ಪ್ರಜ್ಞೆಯಿಂದ ಆ ಶತ್ರುವನ್ನ ಹೆಡೆಮುರಿ ಕಟ್ಟಿದ್ದೇನೆ.

ದೈವ ಭಕ್ತಿಯ ವಿಚಾರದಲ್ಲಿ, ನನಗೆ ಪಾಂಡುರಂಗ ಇಷ್ಟ. ಹನುಮಾನ್ ಚಾಲೀಸಾವನ್ನು 2010 ರಲ್ಲಿ ಕಲಿತು ಈ ವರೆಗೆ ಪಠಿಸುತ್ತ ಬಂದಿದ್ದೇನೆ. ಅನೇಕ ಆಪತ್ತುಗಳಿಂದ ಅದು ನನ್ನ ರಕ್ಷಿಸಿದೆ.

ಮುಂದಿನ ಗುರಿ ನಮ್ಮ ವಿದ್ಯಾರ್ಥಿಗಳನ್ನು IAS/IPS ಮಾಡಿಸುವುದು, ಕನ್ನಡದಲ್ಲಿ ಗುಣಮಟ್ಟದ ಕೃತಿಗಳನ್ನು ಪ್ರಕಟಿಸುವುದು.
ನಿರುದ್ಯೋಗಿಗಳಿಗೆ ವಿಭಿನ್ನ ಕಾರ್ಯಕ್ರಮಗಳ ಮುಖಾಂತರ ಔದ್ಯೋಗಿಕ ತರಬೇತಿ ನೀಡುವುದು. ಸಮಾಜವಾದಿ ಸಿದ್ಧಾಂತದ ಮುಖಾಂತರ, ಸರ್ಕಾರ ಜನಪರ ಯೋಜನೆಗಳನ್ನು ಹಮ್ಮಿಕೊಂಡು, ಜನಕಲ್ಯಾಣಕ್ಕೆ ಶ್ರಮಿಸುವಂತೆ ನೋಡಿಕೊಳ್ಳುವುದು.

ಒಟ್ಟಿನಲ್ಲಿ 30 ವರ್ಷಗಳಲ್ಲಿ ಬಹಳ ಕಲಿಯೋದನ್ನ ಬಾಕಿ ಇಟ್ಟಿದ್ದೇನೆ ಅನ್ನೋದು ಗೊತ್ತಾಗಿದೆ.ಇನ್ನೂ ಕಲಿಯುತ್ತೇನೆ.

ತಂದೆ - ತಾಯಿ, ಗುರು ಹಿರಿಯರು ಮತ್ತು ಸಮಾಜದ ಹಾಗೂ ನಮ್ಮ ವಿದ್ಯಾರ್ಥಿಗಳ ಆಶಿರ್ವಾದ ಮತ್ತು ಋಣ ನನ್ನ ಮೇಲಿದೆ. ಅದನ್ನು ನೆನಪಿಟ್ಟುಕೊಂಡು. ಸಮಾಜದ ಒಳಿತಿಗಾಗಿ ಶ್ರಮಿಸುತ್ತೇನೆ.

ನಿಮ್ಮ ಹಾರೈಕೆ ಮತ್ತು ನಾ ತಪ್ಪಿದಾಗ ತಿದ್ದುವ ಬುದ್ಧಿ ಮಾತುಗಳನ್ನು ನಿಮ್ಮಿಂದ ನಿರೀಕ್ಷಿಸುತ್ತೇನೆ.

I'm here to Learn
I'm here to Live.
I'm here to Evolve.

ಧನ್ಯವಾದಗಳು 💐 🙏
-
ಪ್ರವೀಣ ಮ. ಮಗದುಮ್ಮ

ಒಂದು ಉದ್ಯಮವನ್ನು ಆರಂಭಿಸುವುದು ಅಷ್ಟು ಸುಲಭದ ವಿಷಯವಲ್ಲ. ಇಲ್ಲಿ Zero ದಿಂದ Hero ಆದ ಕಥೆಗಳೂ ಇವೆ, ಅದರ ನೆರಳಲ್ಲಿ, Hero ದಿಂದ Zero ಆದ ಕಥಾನಕಗಳು ಅಡಗಿ ಕುಳಿತಿವೆ.

"ನಾನೂ ಒಂದು ಸ್ವಂತ ಉದ್ಯಮ ಮಾಡಬೇಕು" ಎನ್ನುವ ಹಂಬಲ ನಿಮ್ಮಲ್ಲೂ ಇದ್ದರೆ, ಅದಕ್ಕೆ ಮೊದಲು ಕೆಲವು ಪ್ರಶ್ನೆಗಳಿಗೆ ಉತ್ತರ ಕಂಡುಕೊಳ್ಳಬೇಕಾಗುತ್ತದೆ.

1. ಆ ಕೆಲಸವನ್ನು ನೀವು ಗಡಿಯಾರ ನೋಡದೆ ಮಾಡಬಲ್ಲಿರೋ?
2. ಅಲ್ಲಿ ನಿಮ್ಮ 100% ಕೊಡಬಲ್ಲಿರೋ?

3. ಆ ವಲಯದಲ್ಲಿ ಕನಿಷ್ಠ 4-5 ವರ್ಷ ಕಳೆದಿದ್ದೀರೋ?
4. ಎಲ್ಲರೂ ಕೈಕೊಟ್ಟು ಹೋದಾಗ, ಒಬ್ಬರೇ ನೀವದನ್ನ ನಿಮ್ಮ ಹೆಗಲಮೇಲೆ ಹೊತ್ತು ನಡೆಸಬಲ್ಲಿರೋ?

5. ಒಮ್ಮೊಮ್ಮೆ ಆದಾಯವೇ ಬರದಿದ್ದಲ್ಲಿ, ಕನಿಷ್ಠ 1 ವರ್ಷದ Safety Money ಕೂಡಿಟ್ಟಿದ್ದೀರೋ?
6. ಕಾಲಕಾಲಕ್ಕೆ ತಕ್ಕಂತೆ ನಿಮ್ಮ ಉದ್ಯಮವನ್ನು ತಿದ್ದಿಕೊಳ್ಳುವ ತಾಳ್ಮೆ ನಿಮ್ಮಲ್ಲಿದೆಯೋ?

7. ನಿಮ್ಮ Product ನ ಬಗ್ಗೆ ಸಂಪೂರ್ಣವಾಗಿ ತಿಳಿಯದ ಗ್ರಾಹಕರೊಬ್ಬರು ಬಂದು ನಿಮ್ಮ ಎದೆಯ ಮೇಲನ ಅಂಗಿ ಹಿಡಿದು, ನಿಮ್ಮನ್ನು ವಾಚಾಮಗೋಚರವಾಗಿ ನಿಂದಿಸಿ, ಹೀಗೆಳೆದು ಬೈದು ಭಂಗಿಸಿದಾಗಲೂ,

ಕೋಪಗೊಳ್ಳದೆ, ಅವರನ್ನ ಸಮಾಧಾನಿಸಿ,
ನಿಮ್ಮ Product ನ ಗುಣಮಟ್ಟದ ಬಗ್ಗೆ ಅವರಿಗೆ ಖಾತರಿ ಮೂಡಿಸುವ ಸಂವಹನ ಮತ್ತು Quality ಯ ವಸ್ತು ನಿಮ್ಮಲ್ಲಿದೆಯೋ?

8. ನಿಮ್ಮ ಬೆಂಬಲಕ್ಕೆ ನಿಮ್ಮ ಕುಟುಂಬವಿದೆಯೋ? ನಿಮ್ಮ ಗೆಳೆಯನೋ? ಗೆಳತಿಯೋ? ಸ್ನೇಹಿತರೋ? ಅಥವಾ ನಿರಾಕಾರ ದೇವರೋ? ಅಥವಾ ನಿಮ್ಮ ಅಂತರಂಗ ಶಕ್ತಿಯೋ?

9. ಅನಿರೀಕ್ಷಿತ ಆಘಾತವೊಂದರಿಂದ ಎಲ್ಲವೂ ಎಕ್ಕುಟ್ಟು ಹೋದರೂ, ಮತ್ತೆ 'ಶೂನ್ಯ'ದಿಂದ 'ಅನೂಹ್ಯ' ಕ್ಕೆ ಕೆಲವೇ ದಿನದಲ್ಲಿ ತಲುಪಬಲ್ಲಿರೋ?

10. ಒಬ್ಬ ಗ್ರಾಹಕ ನಿಮ್ಮದೇ Product ಅನ್ನ ಯಾಕೆ ಖರೀದಿಸಬೇಕು? ಎನ್ನುವ Clarity ನಿಮ್ಮಲ್ಲಿದೆಯೋ?

ಹಾಗೆಯೇ

11. ಎಲ್ಲಕ್ಕಿಂತ ಮುಖ್ಯವಾಗಿ ನಿಮ್ಮನ್ನು ಇತರರು ನಕಲಿಸದಂತಹ Unique ಮತ್ತು Interesting Product ನಿಮ್ಮಲ್ಲಿದೆಯೋ?

ಇಷ್ಟು ಹಾಗೂ, ಇನ್ನಷ್ಟು ಪ್ರಶ್ನೆಗಳನ್ನು ಹಾಕಿಕೊಂಡು ಆರಂಭಿಸುವ Startup ಗಳು Fail ಆದ ಉದಾಹರಣೆಗಳಿಲ್ಲ!

ಹಾಗೆಯೇ,
ಭಾರತದ Startup ರಂಗದಲ್ಲಿ,

ಕೆಲವೇ ವರ್ಷಗಳಲ್ಲಿ ಆಕಾಶಕ್ಕೆ ಜಿಗಿದು, ಮಿಂಚಿ ಮತ್ತೆ ನೆಲಕ್ಕೆ ಅಪ್ಪಳಿಸಿದ ಎರಡು ದೊಡ್ಡ ದೈತ್ಯ ಕಂಪೆನಿಗಳೆಂದರೆ,

Byju's ಮತ್ತು Unacademy .

ಆ ಎರಡು ಸಂಸ್ಥೆಗಳ Case Study ಕೆಳಗಿವೆ ನೋಡಿ, ನಿಮಗೂ ಹಲವಾರು ಅಂಶಗಳು ಮನದಟ್ಟಾಗುತ್ತವೆ.

ಶುಭವಾಗಲಿ 💐

-
ಪ್ರವೀಣ ಮ ಮಗದುಮ್ಮ

1. https://tinyurl.com/4bjh8cn2

2. https://tinyurl.com/yc3h9afn

ಆಗ, ಸ್ವಾತಂತ್ರ್ಯ ಹೋರಾಟದಲ್ಲಿ ಗಾಂಧೀಜಿಯವರ Prime time ನಡೆಯುತಿತ್ತು.

ಅಸಹಕಾರ ಚಳವಳಿ,
ದಂಡಿಯಾತ್ರೆಗಳು ಅವರನ್ನು ದೇಶದ ಮೂಲೆ ಮೂಲೆಗೆ ತಲುಪಿಸಿದ್ದವು.

ಗಾಂಧೀಜಿಯವರದೇನೋ,
Retirement ಆಗುವ ಸಮಯ ಅಂದ್ರೆ 50-55 ವರ್ಷ.

ಈ ಕಡೆ ಕಡಲತೀರದ ಭಾರ್ಗವ, ನಮ್ಮ
ಶಿವರಾಮ ಕಾರಂತರು ಆಗಿನ್ನೂ ಹರೆಯದ ತರುಣ.

ಅದೇ ಸಮಯದಲ್ಲಿ ಗಾಂಧೀಜಿ,
"ಬ್ರಹ್ಮಚರ್ಯ" ದ ಬಗ್ಗೆ ಹಲವಾರು ಪ್ರಯೋಗಗಳನ್ನು ಮಾಡುತ್ತಿದ್ದರು!

ಇದನ್ನು ಕೇಳಿ, ಓದಿ ಸ್ಫೂರ್ತಿ ಪಡೆದ ಯುವಕ
ಕಾರಂತರು, ಸೈಕಲ್ ಹತ್ತಿ ಊರೂರು ತಿರುಗಿದರು,

ಸುಮ್ನೆ ತಿರುಗಲಿಲ್ಲ,
ಪ್ರತಿ ಊರಿನಲ್ಲಿ ಯುವಕರನ್ನು ಕೂಡಿಸಿ,
"ಬ್ರಹ್ಮಚರ್ಯ" ದ ಮಹತ್ವ ಮತ್ತು ಅದರ ಪಾಲನೆಯ ಮಹಿಮೆಯನ್ನು ಎಳೆಎಳೆಯಾಗಿ ಅರುಹಲು ಆರಂಭಿಸಿದರು.

ಆದರೆ, ಪೃಕೃತಿ ಇದನ್ನೆಲ್ಲ ನೋಡಿ ಸುಮ್ಮನಿದ್ದೀತೆ ಹೇಳಿ?

ಕಾರಂತರ ಯವ್ವನವೂ ಚಿಗುರಿತು,
ಮೀಸೆ ಮೊಳೆತವು,
ತೋಳುಗಳು ಬಲಿತವು!

ಮನೆಯಲ್ಲಿ, ಹೆಣ್ಣು ನೋಡುತ್ತೇವೆಂದಾಗ,
ಮರುಮಾತನಾಡದೆ, "ಹೂಂ" ಗುಟ್ಟಿದರು!

ಮದುವೆಯಾಗಿ ತುಂಬು ಸಂಸಾರವನ್ನೂ ಮಾಡಿದರು,

ಮತ್ತೆಂದೂ "ಬ್ರಹ್ಮಚರ್ಯ" ದ ಸೊಲ್ಲೆತ್ತಲಿಲ್ಲ!

ಅದು ಹಾಗೆಯೇ 😅

ಅದಕ್ಕೆಯೇ "ಕಾಮ" ಬಂದಾಗ, "ರಾಮ" ಮಾಯವಾಗುತ್ತಾನೆ ಅಂತಾರೆ, ಹಿರಿಯರು!

ಶಾಲೆಗೆ ಹೋಗುವಾಗ "ಮದುವೆಯೇ ಆಗಲ್ಲ" ಎನ್ನುತ್ತಿದ್ದ ಹುಡುಗ, PUC ಕದತಟ್ಟಿದಾಕ್ಷಣ ಚೆಂದ ಕಂಡ ಹುಡುಗಿಗೆ ಕಣ್ಣಲ್ಲೇ ಲೈನ್ ಹೊಡೆಯುತ್ತಾನೆ!

ಪ್ರೇಮ-ಕಾಮ,
ಓದುವ ಯುವಕ-ಯುವತಿಯರನ್ನ
ಅತಿಯಾಗಿ ಕಾಡೋ ಸಮಸ್ಯೆಗಳೇ ಇವು!

26-27 ವರ್ಷದವರೆಗಂತೂ ವಿಪರೀತ

ತತ್ವಾರ

ತುಮುಲ

ಆತಂಕ

ವ್ಯಾಕುಲತೆಗಳು ನಿಮ್ಮನ್ನು
ಹಿಂಡಿ ಹಿಪ್ಪೆ ಮಾಡುತ್ತವೆ!

ಬಟ್ಟೆ ತೊಳೆಯುವಾಗ,
ಅಗಸ ಎಬ್ಬಿಸೆಬ್ಬಿಸಿ ಹೊಡೆದಂತೆ ಹೊಡೆಯುತ್ತವೆ.

ತದ ನಂತರ

ಎಲ್ಲವೂ ಹಂತ ಹಂತವಾಗಿ
ಗೌನವಾಗುತ್ತಾ ಹೋಗುತ್ತದೆ!

ಹಾಗಾಗಿ,
ಸ್ವಲ್ಪ ತಾಳ್ಮೆಯಿಂದಿರಿ...

ಕಾಯ್ದವರಿಗೆ ದೊಡ್ಡ ಫಲಗಳು ಗ್ಯಾರಂಟಿ!

ಮೊದಲು ನಿಮ್ಮನ್ನು ಪ್ರೇಮಿಸಿ,
ಇಷ್ಟಪಡಿ, ತಿದ್ದಿಕೊಳ್ಳಿ!

ಬದುಕು ಅನ್ನುವಂಥದ್ದು

ಇಂದಿದ್ದು ನಾಳೆ ಹೊರಡುವ ಹೊಟೇಲ್ ಅಲ್ಲ!

ಗಡಿಬಿಡಿಯಲ್ಲಿ ತಪ್ಪು ನಿರ್ಧಾರ ಕೈಗೊಳ್ಳಬೇಡಿ.

ನಿಮ್ಮ ಆತ್ಮಸಾಕ್ಷಿಗೆ ಬದ್ಧರಾಗಿರಿ.

ನೀವು ತಪ್ಪು ಹೆಜ್ಜೆ ಇಡುವ ಮುನ್ನ,

ನಿಮ್ಮನ್ನು ನಂಬಿ,

ನಿಮ್ಮ ಗೆಲುವಿಗಾಗಿ ಕಾದಿರುವ,

ನಿಮ್ಮ ತಂದೆ-ತಾಯಿಗಳು ಕಣ್ಮುಂದೆ ಬರಲಿ.

ಕೆಟ್ಟ ಆಲೋಚನೆಗಳು ಬಂದ ತಕ್ಷಣ ಎದ್ದು ಒಂದ್ 15-20 ನಿಮಿಷ ವಾಕ್ 🚶‍➡️ ಮಾಡಿ.

ಈ ಸಮಾಜದಲ್ಲಿ IAS/IPS ಅಧಿಕಾರಿಗಳಿಗೆ ಅಥವಾ ಇನ್ನಿತರ ಅಧಿಕಾರಿಗಳಿಗೆ ಜನ ಗೌರವ ಕೊಡಲು ಕಾರಣವೇ,
ಅವರ "ಚಾರಿತ್ರ್ಯ! "

ವಿವೇಕಾನಂದರು ಹೇಳುವಂತೆ,

"ಚಾರಿತ್ರ್ಯ ಶುದ್ಧಿ" ಯಿಂದ್ ಏನು ಬೇಕಾದುದನ್ನು ಸಾಧಿಸಬಹುದು!

"ಕಚ್ಚೆ ಕೈ ಬಾಯಿಗಳು। ಇಚ್ಛೆಯಲಿ ಇದ್ದಿಹರೆ।
ಅಚ್ಯುತನಪ್ಪ ಅಜನಪ್ಪ ಲೋಕದಲಿ।
ನಿಶ್ಚಿಂತನಪ್ಪ ಸರ್ವಜ್ಞ॥" ಎಂದು ಸರ್ವಜ್ಞ ಅಂದೇ ಹೇಳಿದ್ದಾನೆ!

ಇಂದಿನ Internet ಯುಗದಲ್ಲಿ,
ವಿವೇಕಾನಂದರಂತೆ ಬಾಳುವುದು ಕಷ್ಟ,
ಅವರು ವೀರ ಸನ್ಯಾಸಿಗಳು!

ಆದರೆ,
ಬೀದಿ ನಾಯಿಗಳಂತೆ ಬಾಳುವುದು ಬೇಡ!
(ಪದಗಳು ಸ್ವಲ್ಪ ಕಠಿಣವಾಗಿವೆ, ಸಹಿಸಿಕೊಳ್ಳಿ, ಏಕೆಂದರೆ, ಜೀವನ ಅದಕ್ಕಿಂತಲೂ ಕಠಿಣವಾಗಿದೆ)

ನಿಮ್ಮ ದೇಹ ಮತ್ತು ಮನಸ್ಸುಗಳು ದೇವಾಲಯವಿದ್ದಂತೆ,
ಆ ಗರ್ಭಗುಡಿಗಳಲ್ಲಿ ಸಿಕ್ಕ ಸಿಕ್ಕವರನ್ನು ಬಿಟ್ಟುಕೊಳ್ಳದಿರಿ! ಸಿಕ್ಕ ಸಿಕ್ಕಕಡೆ ನುಗ್ಗಲೂ ಬೇಡಿ.
-
ಪ್ರವೀಣ ಮ ಮಗದುಮ್ಮ

ನೀವು ನಿಮ್ಮ ಮಕ್ಕಳಿಗೆ
ಸಂಸ್ಕಾರ ಕಲಿಸಲು ಹೆಣಗುತ್ತಿದ್ದರೆ,

ಸಿಂಪಲ್ಲಾಗಿ ಒಂದ್ ಸಲಹೆ
ಕೊಡ್ತೀನಿ Try ಮಾಡಿ ನೋಡಿ.

ನಮ್ಮ ಕನ್ನಡದ ಅಣ್ಣೋರು,
ಡಾ|| ರಾಜಕುಮಾರರವರ ಮತ್ತು
ದಾದಾ ಡಾ|| ವಿಷ್ಣುವರ್ಧನರವರ
ಸಿನಿಮಾಗಳನ್ನು ಒಂದೊಂದಾಗಿ
ತೋರಿಸುತ್ತಾ ಬನ್ನಿ.

ಇಬ್ಬರದೂ ಸೇರಿ ಸುಮಾರು
400 ಸಿನಿಮಾಗಳಿವೆ.

ನಿಮ್ಮ ಮಗುವಿಗೆ
ಒಂದನೇ ತರಗತಿಯಿಂದ
ಆರಂಭಿಸಿದರೆ,
ವಾರಕ್ಕೆ ಒಂದೆಂದರೂ,

ಒಟ್ಟು 400 ಸಿನಿಮಾ ಮುಗಿಯುವ
ವೇಳೆಗೆ ಆತ ಸರಿಸುಮಾರು
8 ನೇ ತರಗತಿಗೆ ಬಂದಿರುತ್ತಾನೆ.

ಅಷ್ಟೊತ್ತಿಗೆ, ನೀವು ಕಲಿಸಲೇಬೇಕಿದ್ದ ಎಷ್ಟೋ
ಸಂಸ್ಕೃತಿ, ಸಂಸ್ಕಾರ, ಶಿಸ್ತು ಮತ್ತು ಶ್ರದ್ಧೆಯನ್ನ ಈ ನಟರ ಚಿತ್ರಗಳೇ ಕಲಿಸಿಬಿಡುತ್ತವೆ.

2004 ರ ವರೆಗೆ ನಮ್ ಮನೆಗೆ TV ಬರುವ ಮುನ್ನದಿಂದ ಹಿಡಿದು,

ಇಂದಿನವರೆಗೆ ಸಾವಿರಾರು ಸಿನಿಮಾ ನೋಡಿದ್ದೇನೆ.

ಒಳ್ಳೆಯ ಸಿನಿಮಾಗಳು ಬಹಳಷ್ಟು ಅಂಶಗಳನ್ನು ಕಲಿಸಿಬಿಡುತ್ತವೆ.

ಅಂದಹಾಗೆ, ರವಿಚಂದ್ರನರವರ
ಸಿನಿಮಾಗಳು ಸ್ವಲ್ಪ Limit ನಲ್ಲಿ
ಇದ್ದರೆ ಚೆಂದ,
ಯಾಕೆಂದು, ನಾ ಹೇಳಬೇಕಿಲ್ಲ.

ಅವುಗಳನ್ನು ನೋಡುವ ಹೊತ್ತಿಗೆ 18 ಮೀರಿರಲಿ, ಪಕ್ಕದಲ್ಲಿ ನೀವು ಇರದಿರಲಿ.

ಶುಭವಾಗಲಿ. 💐

🚀 DON’T MISS THIS EPIC DROP!

Click to watch: 👇🏻
https://youtu.be/J9Ye4bSlV5g

ಮದುವೆ ಮತ್ತು 90's Kids:

90's Kids ಅಂದ್ರೆ ಯಾರು ಗೊತ್ತಾ?
'ಮುಂಗಾರು ಮಳೆ'ಯ ಗಣೇಶನ ತರಹ ಮಳೆಯಲ್ಲಿ ನೆನೆದು, ಎದೆ ತುಂಬ ಕನಸುಗಳನ್ನು ಇಟ್ಟುಕೊಂಡಿದ್ದ ಅಮಾಯಕ ಜೀವಗಳು!
"ಎಲ್ಲಾರು ಜಾತ್ರೆಯಲ್ಲಿ ತೇರನ್ನು ನೋಡುವಾಗ, ಅವನು ನನ್ನೇ ನೋಡಬೇಕು - ನನಗೂ ಒಬ್ಬ ಗೆಳೆಯಬೇಕು" ಎನ್ನುತ್ತ ಹಾಡಿದ್ದ ಹೃದಯಗಳು!

ಮನೆಯಲ್ಲಿ ಅಪ್ಪ-ಅಮ್ಮ "Degree ಮುಗಿಲಿ ಮಗನೇ/ಳೇ, ನಿನಗೊಂದು ಒಳ್ಳೆಯ ಸಂಬಂಧ ನೋಡ್ತೀವಿ" ಅಂದಾಗ,
ಇವರು ಆ ಕನಸಿನ ಲೋಕದಲ್ಲೇ ಮದುವೆಯಾಗಿ, ಮಕ್ಕಳನ್ನೂ ಮಾಡಿ, ಮೊಮ್ಮಕ್ಕಳ ಜೊತೆ ಆಟವಾಡುತ್ತಿದ್ದವರು!

ಆದರೆ,
ಇಂದು ಕನ್ನಡಿ ಮುಂದೆ ನಿಂತಾಗ ಕಾಣೋದು ಬಿಳಿಗೂದಲ ರಾಶಿ, ಕಾಡೋದು ಮದುವೆ ಎಂಬ ಮರೀಚಿಕೆ!

ಸರಿಯಾದ ಸಮಯಕ್ಕೆ ಜೋಡಿ ಸಿಗಬೇಕಿತ್ತು. ಸಿಗಲಿಲ್ಲ, ಕಾಲದ ಮಹಿಮೆಯೋ,
ಮುಂದಾದರಾದೀತು ಎಂಬ ಆಲಸ್ಯವೋ!
ಕಾಲೇಜಿನಲ್ಲಿ ಯಾರನ್ನಾದರೂ ನೋಡಿಕೊಂಡು ಬಿಡೋಣವೆಂದರೆ,
"ತಲೆ ಒಡೀತೀನಿ ಮಗನೇ!" ಎಂಬ ಅಮ್ಮನ ಗುಡುಗು ನೆನಪಾಗುತ್ತಿತ್ತು.
"ವಿಷ ಕುಡಿದು ಸಾಯ್ತೀನಿ ಮಗಳೆ!" ಎಂದ ಅಪ್ಪನ ಭಯವಾಗುತ್ತಿತ್ತು.
ಉದ್ಯೋಗದ ಗುಂಗಲ್ಲಿ 28-30 ಆದದ್ದೇ ತಿಳಿಯಲಿಲ್ಲ!

ಈ 2020ರ ನಂತರದ Era ಇದೆಯಲ್ಲ... ಇದಂತೂ ಇಡೀ 90's Kid ಗಳ ಬದುಕನ್ನೇ ದಿಕ್ಕೆಡಿಸಿಬಿಟ್ಟಿತು!
Reels ಬಂದ ಮೇಲೆ ಸಂಬಂಧಗಳು '15 Seconds' ಗೆ ಇಳಿದು ಬಿಟ್ಟವು.
ಬಾಂಧವ್ಯಗಳು Bluetooth ನಂತೆ ದೂರ ಹೋದ ತಕ್ಷಣ Disconnect ಆಗಲಾರಂಭಿಸಿದವು!

ಯುವಕನಿಗೆ ಕನಸುಗಳಿರಲಿ ಬಿಡಲಿ,
ಆದರೆ ಮದುವೆ ಆಗೋಕೆ,
ಖಾತೆಯಲ್ಲಿ ಲಕ್ಷ ಲಕ್ಷ Bank Balance ಇರಬೇಕಾಯಿತು!
ಕೈಯಲ್ಲೊಂದು iPhone, ಅಟ್ಲೀಸ್ಟ್ ಒಂದು SUV Car ಆದರೂ ಕಡ್ಡಾಯವಾಯಿತು!

ಮನೆಯವರ ಮಾತು ಕೇಳದೆ ಓಡಿದ ಪ್ರೇಮಿಗಳ ಮಾರಣಹೋಮಗಳೇ ನಡೆದವು!

ಪಾಪ...
ಆ 'ಅನಾಮಿಕ' ಪ್ರೇಮಿಯ ಕನಸು ಕಂಡಿದ್ದ 90's Kids ಗೆ ಈಗ
Instagram ನ Filter ಹಾಕಿ ಮಿನುಗೋ ಮುಖಗಳ ನಡುವೆ ತನ್ನ ಜೋಡಿ ಯಾವುದಂತಲೇ ಅರ್ಥವಾಗುತ್ತಿಲ್ಲ.

ಹಿಂದೆ ಪತ್ರ ಬರೆದು ತಿಂಗಳುಗಟ್ಟಲೆ ಕಾಯುತ್ತಿದ್ದರು,
ಇಂದು Message ಮಾಡಿದ ಎರಡು ನಿಮಿಷಕ್ಕೆ Reply ಬರದಿದ್ದಲ್ಲಿ ಅಹಂಕಾರದ ಜ್ವಾಲಾಮುಖಿಯೇ ಉಕ್ಕಿಬಿಡುತ್ತದೆ!
ಅಂದು ಪ್ರೀತಿಗಾಗಿ ಜೀವ ಕೊಡ್ತೀವಿ ಅಂತಿದ್ರು,
ಇಂದು Dating App ನಲ್ಲಿ ಬೆರಳು ಉಜ್ಜುತ್ತಾ ಪ್ರೀತಿಯನ್ನು ಹುಡುಕುತ್ತಿದ್ದಾರೆ.

90's Kids ಪರಿಸ್ಥಿತಿ ಹೇಗಾಗಿದೆ ಅಂದ್ರೆ;
ಅತ್ತ Facebook ನಲ್ಲಿನ ಹಿರಿತಲೆಗಳ ಹಳತೂ ಇಲ್ಲ,
ಇತ್ತ Gen Z ಗಳ Fast Life ಗೆ ಹೊಂದಿಕೊಳ್ಳೋ ತೀವ್ರತೆಯ ತುಡಿತವೂ ಇಲ್ಲ.
ಮಧ್ಯದ ಅಡಕತ್ತರಿಯಲ್ಲಿ ಸಿಕ್ಕಿ ಅಪ್ಪಚ್ಚಿಯಾಗುತ್ತಿದ್ದಾರೆ!

ಇನ್ನು,
"ನಾಲ್ಕು ಜನ ಏನೆಂದಾರು?" ಎಂದು ಸತತ ಚಿಂತಿಸುವ ನಮ್ಮ ಈ So Called ಸಮಾಜದ Expectations ಯಾವ ಲೆವಲ್ಗೆ ಹೋಗಿವೆ ಅಂದ್ರೆ,
ಮದುವೆ ಎಂಬುದು ಎರಡು ಆತ್ಮಗಳ ಬಂಧನವಾಗಿ ಉಳಿಯದೆ;
'Corporate Deal' ಆಗಿ ಬದಲಾಗಿದೆ!
ಮನಸ್ಸುಗಳ ಹೊಂದಾಣಿಕೆಗಿಂತ
ಅಂತಸ್ತುಗಳ Adjustmentಗಳಿಗಿಲ್ಲಿ ಆದ್ಯತೆ!

ಬೆಂಗಳೂರಿನ Traffic ನಲ್ಲಿ ಸಿಕ್ಕಿಬಿದ್ದು,
ಆಫೀಸ್ ನ Stress ಕಳೆಯಲೆಂದು,
ತನ್ನ ಹೆಂಡತಿಯ ಜೊತೆ ಕಾಫಿ ಕುಡಿಯೋ ಕನಸು ಕಂಡಿದ್ದವನು, ಈಗ Zomato, Swiggy ಗಳಲ್ಲಿ ಆರ್ಡರ್ ಮಾಡಿ ಅದೇ ಒಂಟಿತನದ ಊಟದಲ್ಲಿ ಕೈತೊಳೆಯುತ್ತಿದ್ದಾನೆ.

ಹಿಂದಿನ ಕಾಲದಲ್ಲಿ 25ಕ್ಕೆ ಸಂಸಾರ ಶುರುವಾಗುತ್ತಿತ್ತು.
ಇಂದು 35 ಆದರೂ, 'Profile' ಅಪ್‌ಡೇಟ್ ಮಾಡೋದರಲ್ಲೇ ಕಾಲ ಕಳೆದ್ಹೋಗುತ್ತಿದೆ.

ಈ ೯೦'s Kids ಎನ್ನುವ ಅಮಾಯಕ generation ತಾ ಮಾಡದ ತಪ್ಪಿಗೆ,
ನಿಸರ್ಗದ ನಿಯಮ ಮೀರಿ ನಡೆಯುತಲಿದೆ.
"We can't Supress the Nature" ಎನ್ನುವ ಮಾತು ಈ ಮುಗ್ಧಮನಗಳಿಗೆ ಗೊತ್ತಾದಂತಿಲ್ಲ.

90's Kids ಗೆ ಮದುವೆ ಅನ್ನೋದು ಕೇವಲ ಕನಸಾಗಿಯೇ ಉಳಿಯುತ್ತಾ?
ನೀವೇನಂತೀರಿ?

- ಪ್ರವೀಣ ಮ ಮಗದುಮ್ಮ

[email protected]

"ಮರಿ, ಸ್ವಲ್ಪ Salary Slip ಕಳಿಸಿಕೊಡಪ್ಪ." ಅವಳ ಅಪ್ಪ, ಆ ಹುಡುಗ ಅವಳೊಂದಿಗೆ ಮಾತನಾಡುವ ಮುನ್ನವೇ ಕೇಳಿದ ಮೊದಲ ಬೇಡಿಕೆ ಇದು!

ಆ ಹುಡುಗನಿಗೆ 36 ವರ್ಷ. ತನ್ನದೇ ಆದ ಸ್ವಂತ ಕಂಪನಿ ಕಟ್ಟಿದ್ದಾನೆ. ಮುಖದ ತುಂಬಾ ತೇಜಸ್ಸಿದೆ. ಜಗತ್ತನ್ನ ಗೆದ್ದೇನು ಎಂಬ ಹುಮ್ಮಸ್ಸಿದೆ. ಮಾತಿನಲ್ಲಿ ಮಲ್ಲ, ಸಂಸ್ಕಾರದಲ್ಲಿ ಸಭ್ಯವಂತ. Extra Edge ನಂತೆ ರೂಪವಂತನೂ ಹೌದು.


ಕೌಟುಂಬಿಕ ಸ್ನೇಹಿತರಿಂದ ಬಂದ ವೈವಾಹಿಕ ಪ್ರಪೋಸಲ್ನ ಈ ಸ್ಥಿತಿ ನಿಜಕ್ಕೂ ಅಚ್ಚರಿಎನಿಸುವಂತಿದೆ.
ಮುಂದೇ ಕೇಳಿ...

ಪ್ರಥಮ ಕರೆಯಲ್ಲೇ ವಧುವಿನ ಪಿತ ನೇರವಾಗಿ ಕೇಳಿದ್ದು "ನಿಮ್ಮ ಕಳೆದ ಮೂರು ತಿಂಗಳಿನ ಸ್ಯಾಲರಿ ಸ್ಲಿಪ್ ಮತ್ತು ನಿಮ್ಮ ಇನ್ಕಮ್ ಟ್ಯಾಕ್ಸ್ ರಿಟರ್ನ್ಸ್ ಅನ್ನು ಕಳುಹಿಸಿಕೊಡಿ"

"ಅಂಕಲ್ ನಾನಿನ್ನೂ ನಿಮ್ಮ ಮಗಳೊಂದಿಗೆ ಮಾತಾಡಿಲ್ಲ. ಮಾತಾಡೋದು ಬಿಡಿ ಇದಿರು-ಬದಿರಾಗಿ ಕುಳಿತಿಯೂ ಇಲ್ಲ!" ಎಂದ ಹುಡುಗ.

"ನಿಜ ಕಣಪ್ಪ. ಆದರೆ ನಮ್ಮ ಅಮೂಲ್ಯ ಸಮಯವನ್ನ ಹೂಡಿಕೆ ಮಾಡುವ ಮುನ್ನ ನಿನ್ನ ಫೈನಾನ್ಸಿಯಲ್ ಬ್ಯಾಗ್ರೌಂಡ್ ಬಗ್ಗೆ ನಾವು ತಿಳ್ಕೊಬೇಕಪ್ಪ! "

" ಅಲ್ಲಾ, ನಾನು, ನನ್ನ ವ್ಯಕ್ತಿತ್ವಕ್ಕಿಂತ ನನ್ನ ಬ್ಯಾಂಕ್ ಬ್ಯಾಲೆನ್ಸೇ ಮುಖ್ಯವಾಯಿತಾ!" ಅಂತ ಆ ಯುವಕ ಒಳಗೊಳಗೆ ನಕ್ಕ.

ಇದು ಇಂದಿನ ದುಸ್ಥಿತಿ.

ಭಾರತೀಯ ವೈವಾಹಿಕ ಮಾರುಕಟ್ಟೆಯಲ್ಲಿ, ಪುರುಷರ ವ್ಯಕ್ತಿತ್ವಕ್ಕಿಂತ ಅವರ Bank Balance ಗೆ ಬೆಲೆ ಜಾಸ್ತಿ.

ಹೆಣ್ಣಿನ ವ್ಯಕ್ತಿತ್ವಕ್ಕಿಂತ ಸೌಂದರ್ಯಕ್ಕೆ ತೂಕ ಹೆಚ್ಚು.

ಹಣದ ಹಿಂದೆ ಹೋಗಿ, ಬಂಗಾರದ ಪಂಜರದಲ್ಲಿ ಸಿಕ್ಕ ವಧುಗಳೆಷ್ಟೋ!

ಅಂದಕ್ಕೆ ಮಾರುಹೋಗಿ ಗಿಡುಗಿನ ಬಳಿ ಕುಕ್ಕಿಸಿಕೊಳ್ಳುತ್ತಿರುವ ವರರಷ್ಟೋ!

ಪ್ರೀತಿಯ ಬಲೆಯಲ್ಲಿ ಬಿದ್ದು - ಡ್ರಮ್ಮು, ಟ್ರಂಕು, ಸೂಟ್ ಕೇಸ್ ಗಳಲ್ಲಿ ಭರ್ತಿಯಾಗಿ ಪ್ಯಾಕ್ ಆದ ದೇಹಗಳೆಷ್ಟೋ!

ನಿಮ್ಮ ಬಳಿ ಇದಕ್ಕೇನಾದರೂ
ಪರಿಹಾರ ಉಂಟೋ?
-
ಪ್ರವೀಣ ಮ ಮಗದುಮ್ಮ

ಆತ್ಮೀಯರೇ,

ಒಮ್ಮೊಮ್ಮೆ

ಬಹಳಷ್ಟು ವಿಚಾರಗಳನ್ನು
ಮುಕ್ತವಾಗಿ,
ನಿರ್ಭಿಡೆಯಿಂದ,
ಮುಲಾಜಿಲ್ಲದೆ
ಹಿಂದು - ಮುಂದು ನೋಡದೆ,

ಹೇಳಿ ಬಿಡಬೇಕು ಎನಿಸುತ್ತದೆ,

ಆದರೆ,

ಬೋಧನೆ, ಸಂಸ್ಥೆಯ ನಿರ್ವಹಣೆಯ ಒತ್ತಡಗಳ ನಡುವೆ ಕೆಲವು Out of Syllabus ನ ಅಂಶಗಳನ್ನು ಹೇಳಲು ಸಾಧ್ಯವಾಗುತ್ತಿಲ್ಲ...

ಹಾಗಾಗಿ,

ನಾನು ಹೇಳಬೇಕೆಂದುಕೊಂಡಿರುವ ಹಲವಾರು ವಿಷಯಗಳನ್ನು ಕೆಳಗಿನ ಕನ್ನಡ Youtube ಚಾನೆಲ್ ಗಳು ಹೇಳುತ್ತಿವೆ.

ಹಾಗಾಗಿ, ಅವುಗಳನ್ನು Follow ಮಾಡುತ್ತಾ,
ಅದರಲ್ಲಿ ಎಲ್ಲವನ್ನೂ ಅಲ್ಲ,
ನಿಮಗೆ ಸೂಕ್ತವೆನಿಸೋದನ್ನು ಸ್ವೀಕರಿಸಿ ಸಾಗಿ...

1. Director Satishkumar
https://youtube.com/@directorsatishkumarkannada?si=J7UfwPOg4Dfgw9wa

👆 ಸಮಾಜದ ಕರಾಳ ಮುಖಗಳ ಅನಾವರಣ + Business Ideas

2. Angel Investment
https://youtube.com/@angelinvestments_?si=vAS0_PSUweOrprA4

👆Business Idea ಗಳು

3. Lucky Likesh Yash

https://youtube.com/@luckylikeshyash?si=71AFMm9ayXahUSpN

👆YouTube ನಲ್ಲಿ ಬೆಳೆಯುವುದು ಹೇಗೆ.

4. ನಟರಾಜ ಮಲವಾಡೆ

https://youtube.com/@natarajmalavadekannada?si=m4fOojJxbobATXFS

👆Share Market information Financial Literacy

5. CGN creativity

https://youtube.com/@cgncreativity1813?si=AbwQ-UrHg3WJQ6Or

👆 Book summary

6. Pustakaamsha
https://youtube.com/@pusthakamsha?si=HZaTutXaTIsBChd1

👆 Book summary

7. Dhairyam Motivation

https://youtube.com/@dhairyammotivation?si=x-rTMxXgm94sX4fn

👆 Motivational Videos

8. Gaurish Akki Studio
https://youtube.com/@gaurishakkistudio?si=3Dts3r6tcRXF0Eze

👆ಇಲ್ಲಿ S K Umesh Sir ಅವರ Interview + Gaurish Akki sir ಅವರ Analytical Videos ತುಂಬಾ ಉತ್ತಮವಾಗಿವೆ.

9. Million Mistakes
https://youtube.com/@millionmistakes?si=KtMTIAGuB-Fx2bCY

👆Current case studies

ಈ ಚಾನೆಲ್ಗಳ ವಿಡಿಯೋಗಳು ನಿಮ್ಮನ್ನು ಮಾನಸಿಕವಾಗಿ, ಆರ್ಥಿಕವಾಗಿ ಸಬಲವಾಗಿಸುತ್ತವೆ.

ಶುಭವಾಗಲಿ. 💐

-
ಪ್ರವೀಣ ಮ ಮಗದುಮ್ಮ

💫🌻
ನನಗೆ ಮೊಟ್ಟೆ ಅಂದ್ರೆ ಪಂಚಪ್ರಾಣವಾಗಿತ್ತು.

ಅಪ್ಪ ಹೊರಗಿದ್ದಾಗ ಅಮ್ಮ ಕದ್ದು ಮುಚ್ಚಿ ಕೊಡೋರು.

ಅಂಗನವಾಡಿಗೆ ಹೋಗಿ ಬರುತ್ತಿದ್ದ ತಮ್ಮನಿಗೆ, "ನನಗೆ ಮೊಟ್ಟೆ ತಂದರೆ, ನಿನಗೆ ಬಾರಿಕಾಯಿ ಹಣ್ಣು ಕೊಡುವೆ" ಎನ್ನುವ ಆಮಿಷ ಒಡ್ಡಿ Exchange Offer ಕೊಟ್ಟು ಮೊಟ್ಟೆ ನುಂಗುತ್ತಿದ್ದೆ.

2000 ಇಸವಿಯಲ್ಲಿ ಪುಣೆ ಶಹರಕ್ಕೆ ನಮ್ಮ ಪರಿಚಿತರೊಬ್ಬರ ಮನೆಗೆ ಹೋದಾಗ ನನಗೆ, ಕೇವಲ 4 ವರ್ಷ. ಆಗ ತಿಂದ Egg ಕರ್ರಿಯ ಸವಿ ನೆನಪಿದೆ, ಅದರ ಸ್ಮೃತಿ ಬಂದಾಗಲೊಮ್ಮೆ ಇನ್ನೂ ಬಾಯಲ್ಲಿ ನೀರೂರಿಸುತ್ತದೆ.

2001-02 ರಲ್ಲಿ ನಮ್ಮ ದೊಡ್ಡಪ್ಪ ಆರ್ಮಿ ರಿಟೈರ್ ಆಗಿ ಬಂದಾಗ,
"MTV ಸುಬ್ಬಲಕ್ಷ್ಮಿಗೆ ಬರಿ ಓಳು"
ಎನ್ನುತ್ತ ಉಪೇಂದ್ರರ ಹಾಗೆ Dance ಮಾಡಿದ ನಂತರ ತಿಂದ,
ದೊಡ್ಡಮ್ಮ ಮಾಡಿದ ಮೊಟ್ಟೆ ಸಾಂಬಾರಿನ ರುಚಿ ಇನ್ನೂ ಮಾಸಿಲ್ಲ.

ಆದರೆ, 5 ನೇ ತರಗತಿಗೆ ಬರೋ ವೇಳೆಗೆ ಯಾಕೋ ಏನೋ, ಅಪ್ಪ ಮೊಟ್ಟೆಯನ್ನ ಸಂಪೂರ್ಣವಾಗಿ ನಿಷೇಧಿಸಿಬಿಟ್ಟರು.

ಹೊಡೆಯಲಿಲ್ಲ ಬಡಿಯಲಿಲ್ಲ, ಆದರೆ,
ನಮ್ಮನ್ನು ಮೊಟ್ಟೆ ತಿನ್ನದಂತೆ ಮನವೊಲಿಸಿ ಬಿಟ್ಟರು.

ಅಂದಿನಿಂದ ಅಮ್ಮ, ಬೆಳಿಗ್ಗೆ 8 ಕ್ಕೆ ಮತ್ತು ಸಂಜೆ 5 ಕ್ಕೆ ಕೊಡುತ್ತಿದ್ದ ಒಂದೊಂದು ಲೋಟ ಹಾಲೇ ಗತಿಯಾಯಿತು.

ದಿನಕ್ಕೆ ಬರೊಬ್ಬರಿ 500 ML ಹಾಲು ಕುಡಿಯುತ್ತಿದ್ದೆ 😅

ಆಗ, ಬಾಲ್ಯ ನೋಡಿ,
ಸಿಕ್ಕಾಪಟ್ಟೆ ಓಡಾಡ್ತಿದ್ವಿ,
ಜಗಳಾಡ್ತಿದ್ವಿ,
ಆಟ ಆಡ್ತಿದ್ವಿ,
ಹೊಡೆದಾಡತಿದ್ವಿ,

ಇದೆಲ್ಲದರ ಬಲಕ್ಕೆ 500 ML ಹಾಲು,
ಕರಗಿ ಬಿಡ್ತಿತ್ತು.

ಅದರಲ್ಲಿ ಅಲ್ಪ ಪ್ರಮಾಣದಲ್ಲಿ B12 ಕೂಡ ಸಿಗತಿತ್ತು.

ಹಾಗಾಗಿ,

ನನ್ನ PUC ಯ ವರೆಗೆ ಅಂದ್ರೆ 2014 ರ ವರೆಗೆ, ಸಾಕಷ್ಟು ಶಕ್ತಿಶಾಲಿ ಮತ್ತು ಬಲಶಾಲಿಯಾಗಿಯೇ ಇದ್ದೆ.

ಆದ್ರೆ,

ಯಾವಾಗ Engineering ಸೇರಿದೆನೋ,
ಆಗಿನಿಂದ ನಿಧಾನವಾಗಿ ಹಾಲನ್ನು ಕಡಿಮೆ ಮಾಡುತ್ತ ಬಂದೆ,

2015 ರ ವೇಳೆಗಂತೂ ಹಾಲು ಕುಡಿಯೋದೇ ಅಪರೂಪವಾಯಿತು.

ಇದೇ ಕಾರಣಕ್ಕೋ ಏನೋ ಮುಂದೆ,
B12 ನ ಕೊರತೆಯಾಗಿ, ನಾನು IAS ಆಗದೇ ಉಳಿಯ ಬೇಕಾಯಿತು!

IAS ಗೂ B12 ಗೂ ಎಲ್ಲಿಯ Link ಗುರೂ?

Yes, link ಇದೆ.

B12 ಇಲ್ಲದಿದ್ದರೆ, ಏನಾಗುತ್ತದೆಂದು,
ChatGPT ಯಲ್ಲಿ ಕೇಳಿನೋಡಿ.

"ಜೀವಂತ ಶವ!"

3 ವರ್ಷ ನರಳಿದೆ,
ಕೊನೆಗೆ 2023ರ ನವೆಂಬರಲ್ಲಿ,

ಗೋಕಾಕ್ ನಗರದ ಪ್ರಸಿದ್ಧ ವೈದ್ಯರೊಬ್ಬರು Blood Report ನೋಡಿ ಹೇಳಿದರು....

"ಪ್ರವೀಣ್ ನಿಮ್ಮಲ್ಲಿ B12 Deficiency ಇದೆ
ಸಸ್ಯಾಹಾರದಲ್ಲಿ ಅದು ಸಿಗಲ್ಲ, Non veg ತಿನ್ನಬೇಕು, ಅಥವ ವರ್ಷಕ್ಕೆ 5 injections ತೆಗೆದುಕೊಳ್ಳಬೇಕು."

"ಮೊಟ್ಟೆಯನ್ನೇ ತಿನ್ನಲ್ಲ, Non veg ಹೇಗೆ ಸರ್, injection ಆಗ್ಲಿ ಬಿಡಿ" ಎಂದ್ಹೇಳಿ,

ತಮ್ಮನಿಂದ ಎರಡುದಿನಕ್ಕೊಂದರಂತೆ B12 Injection ಮಾಡಿಸಿಕೊಂಡ 1 ವಾರಕ್ಕೆ,

3 ವರ್ಷದಿಂದ ನರಳಿದ ನಿಶ್ಯಕ್ತಿ ಓಡಿ ಹೋಗಿತ್ತು!

ಇದರ ನಡುವೆ,

ಒಂದೆರಡು ಬಾರಿ ಮೊಟ್ಟೆ ತಿಂದು ನೋಡಿದೆ,

ಅದರಲ್ಲಿನ Yellow ಶರೀರಕ್ಕೊಗ್ಗಲಿಲ್ಲ.

ಹಾಗಾಗಿ ತಿನ್ನುವ ಗೋಜಿಗೆ ಹೋಗಲಿಲ್ಲ.

ದಿನಂಪ್ರತಿ 250 ml ಹಾಲು ಕುಡಿದು ನೋಡಿದೆ,

ಒಂದೇ ವಾರಕ್ಕೆ ತಲೆ ತಿರುಗಲಾರಂಭಿಸಿತು

7-8 ವರ್ಷ ಹಾಲೇ ಕುಡಿಯದ ಕಾರಣ ಶರೀರದಲ್ಲಿ Lactose intolerance ಬೆಳೆದಿತ್ತು.

This is what really happened in my life.

ಅಂದಿನಿಂದ ಇಂದಿನವರೆಗೆ ನಿರಂತರವಾಗಿ,

ಮೊಟ್ಟೆ ತಿನ್ನುತ್ತ ಬಂದಿದ್ದರೆ...

ಅಥವಾ ಹಾಲನ್ನೇ ಕಂಟಿನ್ಯೂ ಮಾಡಿದ್ದರೆ,

ಬಹುಷಃ I would have reached my goal!

But it's ok,

ಈಗ ಅದಕ್ಕಿಂತಲೂ ದೊಡ್ಡ Responsibility ಹೊತ್ತಿದ್ದೇನೆ.

ಎಲ್ಲಕ್ಕಿಂತ ಮುಖ್ಯವಾಗಿ B12 DEFICIENCY ಇಂದ ಆಚೆ ಬಂದಿದ್ದೇನೆ.

ನೀವೂ ಏನಾದರೂ,

ಹಾಲು ಕುಡಿಯುತ್ತಿದ್ದರೆ,
ಅದನ್ನ ನಿಲ್ಲಿಸಬೇಡಿ.

ಮೊಟ್ಟೆ ತಿನ್ನುವವರಿದ್ದರೆ
ನಿಲ್ಲಿಸಬೇಡಿ.

ಇನ್ನು ಮಾಂಸಾಹಾರಿಗಳು,
ಶಿಸ್ತು ಬದ್ಧವಾಗಿ "ಗುಳುಂ ಸ್ವಾಹಾ" ಮಾಡುತ್ತಿರಿ.

ಅಂದಹಾಗೆ,
ಭಾರತದಲ್ಲಿನ 50% ಜನರಲ್ಲಿ B12 Deficiency ಇದೆ!

Indirect ಆಗಿ ಹೇಳೋದಾದರೆ,
ಭಾರತದಲ್ಲಿನ 50% ಜನ ಜೀವಂತ "ಹೆಣ" ಗಳು.

ಪಾಪ ಅವರಲ್ಲಿ ಸಾಮರ್ಥ್ಯ ಇದ್ದರೂ,
ಈ ಗೊತ್ತಿಲ್ಲದ ರೋಗ ಅವರನ್ನ ಹಿಂದಕ್ಕಿಟ್ಟಿದೆ.

ಒಂಥರಾ, ಆಪ್ತಮಿತ್ರದಲ್ಲಿ ಗಂಗಾಳ ದೇಹದ ಒಳಗೆ ನಾಗವಲ್ಲಿ ಇರೋದು ಅವಳಿಗೇ ಗೊತ್ತಿರಲಿಲ್ಲ ನೋಡಿ, ಆ ಥರ.

So,

Be alert,
Protect yourself.

ನೋಟ ಪರರಿಚ್ಛೆ,
ಊಟ ತನ್ನಿಚ್ಛೆ!

ಇದೆಲ್ಲದರ ನಡುವೆ,

"ಲಿಂಗಾಯತ ಡಾಲಿ ಮಾಂಸಹಾರ ತಿಂದ್ರು" ಎನ್ನುವ ಸುದ್ದಿಯೊಂದು Viral ಆಗಿದೆ,

ನೀವೇನಂತೀರಿ?

Reply @ [email protected]

-
ಪ್ರವೀಣ ಮ ಮಗದುಮ್ಮ

🚨 Aspirants, read this before it’s too late
AI is already doing what students thought was “safe work”.
Exams alone will NOT save you.
⚠️Watch this carefully.
👇🏻
https://youtu.be/P41TwjccwuU

2018 ರ ಜೂನ್ ತಿಂಗಳ 13 ನೇ ತಾರೀಕು,
ನಮ್ಮ ಅತ್ತೆ ಮಗನ ಸಲಹೆಯಂತೆ, Flipkart ನಲ್ಲಿ Order ಮಾಡಿದ್ದ Honor 9 Lite ಫೋನ್ ಮನೆಗೆ ಬಂದಿತ್ತು,

ನಾನು ಕಾಲೇಜಿನಿಂದ ಬರೋ ಮುನ್ನವೇ,
ತಮ್ಮ ಅದನ್ನ ಕುತೂಹಲದಿಂದ,
Opening ಮಾಡಿಯೂ ಬಿಟ್ಟಿದ್ದ!

ಕಾಲೇಜಿನಿಂದ ಬಂದ ತಕ್ಷಣವೇ,
ಮೊಬೈಲಿನ ಬಣ್ಣಕ್ಕೆ ಮತ್ತು ಹೆಸರಿನಂತೆಯೇ ಇದ್ದ ಅದರ ಲೈಟ್ ವೇಟಿಗೆ ಮಾರು ಹೋಗಿದ್ದೆ.

ಆಗ, ಕೆಲ ವರ್ಷ ತುಂಬಾ Trending ನಲ್ಲಿದ್ದ ಫೋನ್ ಅದು!

Huawei ಕಂಪನಿಯ ಪ್ರಾಡಕ್ಟ್.

2018 ರಿಂದ ಬರೊಬ್ಬರಿ 6 ವರ್ಷ, ಅಂದರೆ, April 2024 ರವರೆಗೆ ಒಂದೇ ಒಂದು ಬಾರಿಯೂ ಕೈ ಕೊಡಲಿಲ್ಲ!

ವಿಪರೀತ ಬಿಸಿಯಾಗಲಿಲ್ಲ,

3000 mAh battery 2% ಇದ್ದಾಗಲೂ, 10 ನಿಮಿಷ ನಡೆಯುತ್ತಿತ್ತು!

ಅಪ್ಪಿ ತಪ್ಪಿಕೂಡ,

ಆಣೆ ಮಾಡಿ ಹೇಳುತ್ತೇನೆ,

Struck ಆಗಲಿಲ್ಲ!

Struck ಅನ್ನೋದೇ,

ಆ ಫೋನಿಗೆ ಗೊತ್ತಿರಲಿಲ್ಲವೇನೋ...

ಬಿಲ್ಟ್ Quality ಅಂತೂ ಮಜಬೂತಾಗಿತ್ತು!

2024 ರಲ್ಲಿ 5G ಬಂತು ನೋಡಿ ಹಾಗಾಗಿ,
ನಾನು ಇದನ್ನು (Honor 9 lite 4G) ಬಿಡಲೇ ಬೇಕಾಯಿತು.

ಸರಿ, ಮತ್ತೊಂದು Honor ಕಂಪನಿಯ Phone ಅನ್ನೇ ಖರಿದಿಸೋಣ ಎಂದುಕೊಂಡು,

ಹುಡುಕಿದೆ

ಹುಡುಕಿದೆ

ಹುಡಕಿದೆ

ಸಿಗಲೇ ಇಲ್ಲ,

ಸಿಗಲೇ ಇಲ್ಲ,

ಇಲ್ಲ ಇಲ್ಲ,

ಸಿಕ್ತು ಸಿಕ್ತು,

ಆದರೆ,

ಅದೊಂದೇ ಮಾಡೆಲ್ ಇತ್ತು,

ಬೆಲೆ 30,000 + ಇತ್ತು.

ಮೊಬೈಲ್ಗೆ ಇಷ್ಟು ದೊಡ್ಡ ಹೂಡಿಕೆ ಮಾಡೋದು ಬೇಡ ಎನಿಸಿ,

ಅದೇ ಕಂಪೆನಿಯ Economical budget ಅಂದ್ರೆ, 10 ರಿಂದ 12 ಸಾವಿರ Range ನ ಫೋನ್ ಹುಡುಕಿದೆ,

ಸಿಗಲೇ ಇಲ್ಲ.

ಯಾಕ್,

ಏನಾಯ್ತು?

ಇಷ್ಟ ಒಳ್ಳೆ ಕಂಪನಿಯ Phone ಯಾಕ್ ಸಿಗ್ತಿಲ್ಲ ಅಂತ ಹುಡಕ್ತೀನಿ,

ಆಗ ಗೊತ್ತಾಯಿತು,

ಅಮೇರಿಕದಲ್ಲಿ ಚೀನಾದ ಕಂಪನಿಯಾದ Huawei ಯನ್ನ,
ಮಾಹಿತಿ ಕದಿಯುತ್ತದೆ ಎಂದು, ಆಗಲೇ Ban ಮಾಡಲಾಗಿತ್ತು.

ಭಾರತವೂ ಅದೇ ಹೆಜ್ಜೆ ತುಳಿಯುತ್ತಿತ್ತು...

ಹಾಗಾಗಿ,

Huawei ಭಾರತದಿಂದ "ಹ.. ಗ.. ರ" (ನಿಧಾನವಾಗಿ) ಹಿಂದೆ ಸರಿಯುತ್ತಿತ್ತು.

ಇದರರ್ಥ ಕಂಪನಿ ಮುಳುಗಿ ಹೋಯಿತಾ?

No,

Apple ನ ತಲೆ ಮೇಲೆ ಕೈ ಇಡುವಂತೆ ಬೆಳೆದು ನಿಂತಿದೆ!

ಚೀನಾದೇಶದ ಸಿರಿವಂತರು,

iPhone ಗಿಂತ ಹೆಚ್ಚು Huawei ಯನ್ನ ಇಷ್ಟ ಪಡುತ್ತಾರೆ,

ಕಾರಣ, ಬರೀಯ ನಮ್ಮ ದೇಶವೆಂಬ ಅಂಧಾಭಿಮಾನವಲ್ಲ, ಬದಲಿಗೆ...

Huawei ಯ ತಂತ್ರಜ್ಞಾನ,

"ಡಾಂ ಢೂಂ ಡುಸ್" ಎಂದು ಕೈಯಾಡಿಸಿದರೆ, ಮಂತ್ರ ಹೇಳಿದಂತೆ, ಆ Phone ನಿಂದ ಈ Phone ಗೆ Data transfer ಮಾಡುತ್ತದೆ Huawei phone... ಆ ಲೆವೆಲ್ಲಿಗಿದೆ ತಂತ್ರಜ್ಞಾನ...

YouTube ನಲ್ಲಿ free ಇದ್ದಾಗ Huawei ಬಗ್ಗೆ Search ಮಾಡಿ ನೋಡಿ,

ನಮ್ಮ ಕನ್ನಡಿಗರೇ Vlogs ಮಾಡಿದ್ದಾರೆ...

ಅಂದಹಾಗೆ,

ಅಮೇರಿಕ,

Huawei ನ Ban ಮಾಡಿದ ನಿಜವಾದ ಕಾರಣ,

ಮಾಹಿತಿ ಕದ್ದಿದ್ದೊಂದೇ ಅಲ್ಲ,

ನಿಜವಾದ ಕಾರಣ,
"ಢಾಂ ಢೂಂ ಢುಸ್"

ಹಾಗೆಯೇ,

ಆಗಾಗ,
ಪಾಕಿಸ್ತಾನದ ಜೊತೆ ಕಂಪೇರ್ ಮಾಡಿಕೊಳ್ಳುವ ನಿಮ್ಮ ಆಪ್ತರಿಗೆ,
ಅಂಕಲ್ಗಳಿಗೆ ಈ ಬರಹ ಕಳಿಸಿ...

ನಮಗಿಂತ ಕಡು ಬಡತನದಲ್ಲಿದ್ದ ಚೀನಾ,
ನಮ್ಮ 8 ಪಟ್ಟು ಬೆಳೆದು ನಿಂತಿದೆ,

ಯಾಕಂದ್ರೆ?

ಯಾಕೆಂದರೆ?

ನಿಮಗೆ ಗೊತ್ತು.

Huawei ಯ Technology ಬಗ್ಗೆ ಇನ್ನೂ Doubt ಇದ್ರೆ

1. ಈ ವಿಡಿಯೋ ನೋಡಿ https://www.instagram.com/reel/DOgKUHTE-P_/?igsh=ZzMzcjBjN29zZDVn

2. D Boss Mobile ಎಂದು Google ನಲ್ಲಿ Search ಮಾಡಿ ನೋಡಿ.

ಇನ್ನೊಂದ್ ಗೊತ್ತ?

Micromax ಎನ್ನುವ ಭಾರತೀಯ ಫೋನ್ ಒಂದಿತ್ತು?
ಅದರ ಕತೆ ಏನಾಯ್ತು?

ಹಾಗೇನೆ,
₹251 Freedom phone ಎನ್ನುವ Scam ಒಂದು 2016 ರಲ್ಲಿ ನಡೆದಿತ್ತು, ಅಲ್ಲಿ ಏನೇನಾಗಿತ್ತು?

ಗೊತ್ತಾ,
ಒಮ್ಮೆ ನೋಡಿ,

ಭಾರತದ "ಟೆಕ್ನಾಲಾಜಿಯಾ" ಬಗ್ಗೆಯೂ ತಿಳಿದಿರಲಿ.

All the best 💐

-

ಪ್ರವೀಣ ಮ ಮಗದುಮ್ಮ

🎯🌻
If you are in your 20s, watch this before life hurts you. UPSC / KPSC aspirants must not miss this! This may save YEARS of your life.
👇🏻👇🏻
https://youtu.be/WqVXJnXwGm0

🔥 25ರ ನಂತರ ಜೀವನ ಹೇಗೆ ನಿಭಾಯಿಸೋದು?

👇 Watch Here:
https://youtu.be/omwtPILUOss

ಇದು 1975-80 ರ ನಡುವೆ ನಡೆದ,
ನೈಜ ಘಟನೆ!

"ಇವಂದ ಏನ್ ಐತಿ ರಿ?
ಇಂವಂಗ ಏನ್ ಅಂತ ಹೆಣ್ಣ ಕೊಡಬೇಕು?
ಹೊಲಾ-ಜಮೀನ್ ಅದು ಏನೂ ಇಲ್ಲ.
ಇನ್ ಸರ್ಕಾರಿ ನೌಕರಿನೂ ಇಲ್ಲ.
ಸ್ವಂತ ಉದ್ಯೋಗ ನಡಿತೈತಿ ಅತ ಗ್ಯಾರಂಟಿ ಏನಾ?
ಆಗುದುಲ್ಲ ಪಾ, ನಾವ ಇಂವಂಗ ನಮ್ ಹುಡಗಿನ ಕೊಡುದುಲ್ಲ"

ಎಂದು, ನಮ್ ದೂರದ ಸಂಬಂಧಿ ಒಬ್ಬರಿಗೆ,
ಹೆಣ್ಣು ನೋಡಲು ಹೋದಾಗ ಅಪಮಾನವಾಗಿತ್ತು. ನೇರವಾಗಿ ಮುಖಕ್ಕೆ ಹೊಡದಂತೆ ಹೇಳದಿದ್ದರು, ಹಿಂದೆ ಮಾತಾಡಿದ್ದು ಅವರಿಗೆ ತಿಳಿದಿತ್ತು!

ಆಗ,"ಅಯ್ಯೋ ನನಗ್ಯಾರೂ ಹೆಣ್ಣು ಕೊಡುತ್ತಿಲ್ಲ" ಎಂದವರು ಅಳುತ್ತಾ ಕೂರಲಿಲ್ಲ!

ಅಪಮಾನ ನುಂಗಿಕೊಂಡೇ ದುಡಿದರು.
ಮುಂದೆ, ಗುರು-ಹಿರಿಯರ ಕೃಪೆಯಿಂದ ಒಂದೊಳ್ಳೆ ಹುಡುಗಿಯನ್ನು ಮದುವೆಯಾಗಿ.
ಮತ್ತಷ್ಟ ಮಗದಷ್ಟು ದುಡಿದರು.

ಬರು ಬರುತ್ತಾ ಯಾವ ಲೆವೆಲ್ಲಿಗೆ ಬೆಳೆದರೆಂದರೆ, ಒಂದೆಕರೆ ಹೊಲವಿಲ್ಲದ ವ್ಯಕ್ತಿ, 50-60 ಎಕರೆ ಭೂಮಿ ಖರೀದಿಸಿದರು.

ಹಲವಾರು, Business ಗಳನ್ನು ಮಾಡಿದರು, ದೊಡ್ಡ ಕಾಂಟ್ರಾಕ್ಟ್ರರ್ ಆದ್ರು.
2008-9 ರ ಸಮಯದಲ್ಲಿ ಹುಕ್ಕೇರಿ ಕ್ಷೇತ್ರದ MLA ಚುನಾವಣೆಗೂ ಸ್ಪರ್ಧಿಸಿದ್ದರು.

ಇವರ ಪರ ಪ್ರಚಾರಕ್ಕೆ ಖುದ್ದು ಮಾಜಿ ಮುಖ್ಯಮಂತ್ರಿ, ಜೆಡಿಎಸ್ ರಾಜ್ಯಾಧ್ಯಕ್ಷರಾಗಿದ್ದ ಕುಮಾರಸ್ವಾಮಿಯವರೇ ಬಂದಿದ್ದರು!

ಬೆಳಿಗ್ಗೆ 9:30 ಆಗಿರಬಹುದು, ಪ್ರಚಾರ ವಾಹನದಲ್ಲಿ ಇವರೀರ್ವರೂ ಹೋಗುತ್ತಿದ್ದರು.
ನಾನಾಗ 7 ತರಗತಿ, ನನ್ನ ತಮ್ಮ ಮತ್ತು ಸ್ನೇಹಿತ ಅರುಣ್, ಹೋಗಿ ಬಿಳಿಯಂಗಿ ಶ್ವೇತ ಪಂಚೆಧಾರಿ ಕುಮಾರಸ್ವಾಮಿಯವರ ಕೈ ಕುಲುಕಿದ್ದರು. ನಾನು ದೂರದಿಂದಲೇ ನೋಡಿದ್ದೆ.

So, Moral of the story is,
ಬಡವನಾಗಿ ಹುಟ್ಟಿರಬಹುದು,
ಆದರೆ ಬಡವನಾಗಿ ಸಾಯಬಾರದು!

ಒಂದ ಎಕರೆ ಭೂಮಿ ಇಲ್ಲ ಎಂದು ಹಂಗಿಸಿದ್ದನ್ನೇ ಸವಾಲಾಗಿ ತೆಗೆದುಕೊಂಡು ಹೀಗೆ ಬೆಳೆದರವರು.

ಒಮ್ಮೊಮ್ಮೆ "ಛೇ, ಏನಪ್ಪಾ ಇದು,
ನಾವ್ ಶ್ರೀಮಂತರ ಮನೆಯಲ್ಲಿ ಹುಟ್ಲಿಲ್ಲ,
ನಮ್ಮ ಅಪ್ಪಾ ಒಂಚೂರ ಆಸ್ತಿನಾದ್ರು ಮಾಡಬಾರದಿತ್ತಾ? ನಮ್ಮ ಅಮ್ಮನಾದ್ರೂ ಬುದ್ಧಿ ಹೇಳೋದಲ್ವಾ?"
ಎನಿಸುತ್ತದೆ.

ಆದರೆ,

Dear friends,
ಈ ದುಡ್ಡು-ಕಾಸು ಎಲ್ಲಾ ಈಗ globalization - capitalism ಗಳಿಂದಾಗಿ ವಿಶೇಷ ಸ್ಥಾನಮಾನ ಗಳಿಸಿವೆಯೇ ಹೊರತು,
ನಿಜವಾದ ಬೆಲೆ ಇರುವುದು.
ಒಳ್ಳೆಯತನಕ್ಕೆಯೇ.

ಹಾಗಂತ ಈಗಲೂ,
"ನಾನೂ ಒಳ್ಳೆಯವನಾಗಿಯಷ್ಟೇ ಇರ್ತೀನಿ" ಅಂದ್ರೆ ಸಾಲಲ್ಲ.

By hook or crook You have to Prove your identity and Capacity!!

ಒಂದು ದೊಡ್ದ ಪರೀಕ್ಷೆ ಪಾಸು ಮಾಡಿಯೋ,
ಒಂದು ದೊಡ್ದ ಖಾಸಗಿ ಉದ್ಯೋಗ ಸೇರಿಯೋ,
ಅಥವಾ
ನಿಮ್ಮದೇ ಒಂದು ಸ್ವಂತ ಉದ್ಯಮ ಕಟ್ಟಿಯೋ,

ಒಟ್ನಲ್ಲಿ ನೀವ್ ಅಂದ್ರೆ ಏನು ಅನ್ನೋದನ್ನು ಜಗತ್ತಿಗೆ ತೋರಿಸಲೇ ಬೇಕು.

ಅಪ್ಪ-ಅಮ್ಮ ಅದನ್ನ ಮಾಡಿಲ್ಲ ಇದನ್ನ ಮಾಡಿಲ್ಲ ಅಂತ - ಅವರನ್ನೇನಾದರೂ ನಾವ್ ಟೀಕಿಸಿದರೆ ನಮ್ಮಷ್ಟು ಪಾಪಿಗಳಾರೂ ಇಲ್ಲ.

"ಮಗಾ ನಿಂದ್ ನಿನ್ ನೋಡ್ಕಳ್ಳಪ್ಪ" ಎಂದು ನಮಗೆ 16-18 ತುಂಬೋ ವೇಳೆಗೆ, ಅವರ ಜವಾಬ್ದಾರಿಯಿಂದ ಅವರು ನುಣುಚಿಕೊಳ್ಳಬಹುದಿತ್ತು,

ಆದರೆ ಇನ್ನೂ ನಮಗವರು ಅನ್ನ ನೀಡಿ, ಜೀವಕ್ಕಿಂತ ಹೆಚ್ಚಾಗಿ ನೋಡುತ್ತಾರೆ. So, Let them Relax.

"ಅಪ್ಪ ನನಗ ಅದನ್ನ ಮಾಡಿಲ್ಲ"
ಅಂತ ಬೆರಳ ಮಾಡಿ ತೋರ್ಸೋಕೆ,

ರವಿ ಬೆಳಗೆರೆಯವರ ಅಪ್ಪ ಅವರಿಗೇನ್ ಪ್ರಿಂಟಿಂಗ್ ಪ್ರೆಸ್ ಇಟ್ಕೊಟ್ಟಿದ್ರಾ?

ವಿಜಯ್ ಸಂಕೇಶ್ವರರ ಅಪ್ಪ ಏನ್ ಬಸ್ ಕೊಂಡ್ ಕೊಟ್ಟಿದ್ರಾ?

ಯಶ್-ರಿಷಬ್ ಶೆಟ್ಟಿ ಅವರ ಅಪ್ಪಂದಿರೇನ್ ಸಿನಿಮಾ ಪ್ರೋಡ್ಯೂಸ್ ಮಾಡಿದ್ರ?

ಮಹಾಂತೇಶ ಬೀಳಗಿ ಸರ್ ರವರ ಅಪ್ಪ ಏನ್ ದೊಡ್ಡ ಆಫಿಸರ್ ಇದ್ರಾ?

ಸಿದ್ಧರಾಮಯ್ಯನವರ ಅಪ್ಪ ಏನ್ ರಾಜಕಾರಣಿ ಆಗಿದ್ರಾ?

ಗೌತಮ್ ಅದಾನಿಯವರ ಅಪ್ಪಂದೇನ್ ಆಯಿಲ್ - ಡೈಮಂಡ್ ಫ್ಯಾಕ್ಟರಿ ಇತ್ತಾ?


ರೋನಾಲ್ಡೋನ ಅಪ್ಪ ಏನ್ ಫೂಟ್ ಬಾಲ್ ಕೋಚ್ ಆಗಿದ್ನಾ?

See,

ಜಗತ್ತ ಇರೋದೇ ಹೀಗೆ.

ಆಳಕ್ಕೆ ಬಿದ್ದ, ಕತ್ತೆಗೋ - ಎಮ್ಮೆಗೋ ಆಳಿಗೊಂದು ಕಲ್ಲು ಎಸೆಯೋಕೆ,
ನಮ್ ಜನ ತುದಿಗಾಲಲ್ಲಿ ನಿಂತಿರ್ತಾರೆ!

ಇದು, ಹೀಗೇಕೆ ಅಂದ್ರೆ ಆಗಲ್ಲ.

ಇದು ಹೀಗೆಯೇ.

ಪ್ರತಿ 100 ಯಶಸ್ವಿ ವ್ಯಕ್ತಿಗಳಲ್ಲಿ 70-80 ಜನ ಸ್ವಂತ ಬಲದಿಂದ ಮೇಲೆ ಬಂದಿರ್ತಾರೆ!


ನೀವು ನಿಜಕ್ಕೂ ಕಷ್ಟಪಟ್ಟು ದುಡಿತಾ ಇದ್ರೆ,
ಅರ್ಥ ಮಾಡಿಕೊಳ್ಳಿ,

ನೀವು ನಿಮ್ಮ ಸಿರಿವಂತ,
ಸ್ನೇಹಿತನ ಜೊತೆಗೆ ಅಲ್ಲ,

ಬದಲಿಗೆ,

I repeat,

ಬದಲಿಗೆ,
ಅವರಪ್ಪನೊಂದಿಗೆ ಸ್ಪರ್ಧೆ ಮಾಡ್ತಿದ್ದಿರಿ!
ಶಬ್ಭಾಶ್ My boys! 🔥
ಇದು ನಮಗ ಬೇಕಾಗಿರೋದು!

ಇಡೀ, ಒಂದ್ ಜೆನರೇಷನ್ ಜೊತೆಯೇ ಹೋರಾಡ್ತಿರೋ ನೀವೇನ್ ಸಣ್ಣೋರೇನ್ರಿ?
Be proud of yourself! 🔥

ನೀವೂ ಆ 70-80 ರಲ್ಲಿ ಒಬ್ಬರಾಗಿಯೇ ಆಗ್ತೀರಿ!

ಅಪ್ಪನ ದುಡ್ಡಿನ "ಬೆಂಜ್" ಹತ್ತೊದಕ್ಕಿಂತ,
ಸ್ವಂತ ದುಡಿಮೆಯ "ಬ್ರೆಜ್ಜಾ" ಕೊಡೋ ಕಿಕ್ಕೇ ಬೇರೆ!

So,
Take all responsibility on your shoulders.

ನಿಮ್ಮ ಏಳು-ಬೀಳು
ಸೋಲು-ಗೆಲುವು
ನೋವು-ನಲಿವು

ಎಲ್ಲಕ್ಕೂ ನೀವೆ ಕಾರಣ.
ಹೌದು,
ನೀವೇ ಕಾರಣ.

ಹೀಗೆ ಪ್ರತಿ ದಿನವೂ ಎಲ್ಲಾ ಆಗು ಹೋಗುಗಳನ್ನ ಅವಲೋಕಿಸುತ್ತಾ ಜವಾಬ್ದಾರಿಯಿಂದ ದುಡಿಯಿರಿ!

ಆಗ, ವಿವೇಕಾನಂದ,
ಸುಭಾಷ್ ಚಂದ್ರ ಬೋಸ್,
ಗಾಂಧೀಜಿಯವರಂತಹ ಅದಮ್ಯ ಚೇತನ ನಿಮ್ಮಲ್ಲಿ ಪ್ರಜ್ವಲಿಸುತ್ತದೆ!

Be alert Protect yourself!

Never ever give up!

ಸೋಲುಗಳಿಗೆ,
ಸಬೂಬು ಹೇಳುವವನು
ಎಂದಿಗೂ ನಾಯಕನಾಗುವುದಿಲ್ಲ!

ಒಳ್ಳೆಯತನ+ಅಧಿಕಾರ(IAS/IPS)
ಅಥವಾ
ಒಳ್ಳೆಯತನ+ಆರ್ಥಿಕಬಲ(ಉದ್ಯಮ)

Choose your path and go ahead!

ಯಾರು ನಿಮ್ಮನ್ನು ಅಸಡ್ಡೆಯಿಂದ ನೋಡಿದ್ದರೋ,

ಅವರು ನಿಮ್ಮನ್ನು ನೋಡುವಾಗ,
ಅವರ ತಲೆಯ ಮೇಲಿನ ಟೋಪಿ ಹಿಂಜಾರಿ ಬೀಳುವಷ್ಟು ಬೆಳೆದು ನಿಲ್ಲಿ,

Yes it's possible.

ಅದು ನಿಮ್ಮಿಂದ ಮಾತ್ರ!

ಶತ್ರುಗಳ ಬಗ್ಗೆ ತಲೆಕೆಡಿಸಿಕೊಳ್ಳಬೇಡಿ,
ಶಾಂತ ಸಮುದ್ರ, ಸಬಲ ನಾವಿಕನನ್ನು ಸಿದ್ಧಗೊಳಿಸಲ್ಲ!

ನೀವು,
ನುಗ್ತಾ ಇರಬೇಕು ಅಷ್ಟೆ!

ನೆನಪಿದೆ ಅಲಾ?

ಒಂದ್ ಎಕರೆ ಇರಲಿಲ್ಲ,
ಇವತ್ತು ದೊಡ್ಡ Businessman ಆಗಿದ್ದಾರೆ,

ನೀವ್ ಏನಾಗ್ತೀರಿ?

Reply me @ [email protected]

-
ಪ್ರವೀಣ ಮ ಮಗದುಮ್ಮ
Founder
ಪಾಂಚಜನ್ಯ ಐಎಎಸ್

🎯🌳
ಯಾರ್‌ ಹೇಳಿದ್ರು Impossible ಅಂತಾ?
ಈ 7Ds ಇದ್ರೆ ,
Everything is POSSIBLE! 🔥💪
👇🏻👇🏻
https://youtu.be/KT2hokcmrng

🌳🎯
“📱 Mobile addiction killing your focus?
This 1 video will FIX it.
Watch before it’s too late
👇🏻👇🏻
https://youtu.be/nq47zegog3k

🧘‍♂️ Feeling stressed or distracted?

🌅 Try this ಕನ್ನಡದಲ್ಲಿ ಮಾರ್ಗದರ್ಶಿತ ಧ್ಯಾನ! — calm your thoughts and recharge your focus.

🎧 Watch now 👉 https://youtu.be/--YfUzKFPYQ

#Meditation #Peace #Focus #Mindfulness

🔥It's Streaming NOW!🎯
👇🏻🌳
https://youtu.be/OAWFrTtcMXw

💫 🌳
Before you choose Job or Business — watch this once! 💥"
“ಜೀವನದಲ್ಲಿ ಬಹು ದೊಡ್ಡ ನಿರ್ಧಾರ ತೆಗೆದುಕೊಳ್ಳುವ ಮುಂಚೆ ಮುಂಚೆ ಈ video ನೋಡಿ!”
👇👇
https://youtu.be/VYnN-Q4LGvU